اراب ءتىلىن ۇيرەنۋگە شاقىرعان ءانشى التىنايدى تىڭدارماندارى سىناپ تاستادى

استانا. قازاقپارات - التىناي جورابايەۆا ۇيالى تەلەفون قوسىمشاسىنىڭ كومەگىمەن اراب ءتىلىن ۇيرەنىپ جۇرگەنىن ايتتى.

بۇل تۋرالى «Stan.kz» حابارلايدى.

ءانشى بوس ۋاقىتىندا نەمەن اينالىساتىنىن ايتتى. ول ۇيالى تەلەفون قوسىمشاسى ارقىلى اراب ءتىلىن ۇيرەنىپ ءجۇر ەكەن.

«الماتىنىڭ بۇلتتى، جاۋىندى اۋا رايىندا نە ىستەپ جاتىرسىزدار؟ Play market - تەن اراب ءالىپبيى دەگەندى كوشىرىپ الدىم. ەكى تۇندە ءبىراز ۇيرەنىپ قالدىم. كەزىندە جاتتاعان سياقتى ەدىم، ۇمىتىپ قالىپپىن. اراب ءتىلى - قيامەتتىڭ ءتىلى. سول ءۇشىن قۇران اراب تىلىندە تۇسكەن»، - دەيدى ءانشى.

ءبىرى ءانشىنىڭ بۇل ءىسىن قوشتاسا، ەندى ءبىرى «اراب بولىپ كەتىپ جۇرمەيىكشى» دەپ سىناعان- دى.