20:08, 02 - ماۋسىم 2016 | GMT +5
ن. نازاربايەۆ «تۋمانى ۆرەمەني» جانە «عاشىقتىڭ ءتىلى» بالەتتەرىنىڭ پرەمەرالارىن تاماشالادى
استانا. قازاقپارات - مەملەكەت باسشىسى نۇرسۇلتان نازاربايەۆ «استانا وپەرا» تەاترىندا ءبىر اكتىلى «تۋمانى ۆرەمەني» جانە «عاشىقتىڭ ءتىلى» اتتى بالەتتەر پرەمەرالارىن تاماشالادى.
بۇل تۋرالى اقوردانىڭ باسپا ءسوز قىزمەتى حابارلادى.
«Astana Ballet» تەاترى ۇجىمى ۇسىنعان جاڭا قويىلىمداردىڭ پرەمەرالىق كورسەتىلىمى استانا كۇنىنە ارنالعان ءىس-شارالار اياسىندا ءوتتى.
«عاشىقتىڭ ءتىلى» - اباي قۇنانبايەۆ پوەزياسىنا ارنالعان العاشقى بالەت. قويىلىم «ياپىراي»، «جىل مەزگىلدەرى»، «تاتيانانىڭ حاتى»، «اق سيسا»، «كوزىمنىڭ قاراسى»، «اجاردىڭ ءسوزى»، «جەلسىز تۇندە...» شىعارمالارىن قامتيدى.
قازىرگى زامانعى قىتاي حورەوگرافى يشيانگ جانگتىڭ ءبىر اكتىلى «تۋمانى ۆرەمەني» بالەتى كومپوزيتورلار م. ريحتەردىڭ، دوۋۆەيدىڭ جانە د. كاسيۆانىڭ مۋزىكاسىمەن ارلەنگەن.
