ريو وليمپياداسىنىڭ ءۇمىتى: ولجاس ساتتىبايەۆ ولجالى ورالادى دەگەن سەنىمدەمىز
ارينە، ءبىرىنشى كەزەكتە قازاق بوكسشىلارىنىڭ جولىنا ۇمىتپەن قارايتىنىمىز ايتپاساق تا تۇسىنىكتى. سولاردىڭ ءبىرى - ولجاس ساتتىبايەۆ.
بۇگىندە شارشى الاڭدا نامىستى قولدان بەرمەيتىن قازاق جىگىتتەرىنىڭ ىشىندە ولجاستىڭ دا ەسىمى ءجيى اتالادى.
ءوزى جاس بولسا دا، شارشى الاڭدا باس بولىپ قايسار مىنەزىمەن تالايدى تامساندىرعان ازاماتتاردىڭ ءبىرى. ەسىمى «ولجا»، تەگى «ساتتىدەن» باستالىپ تۇرعان جاس قىرانىمىزعا تەك ساتتىلىك جولداس بولىپ، ەلگە ولجالى ورالۋىنا تىلەكتەسپىز.
ولجاس ساتتىبايەۆ
تۋعان جىلى: 1988 -جىلى
تۋعان جەرى: جامبىل وبلىسى
سالماعى: 52 ك گ
جەتىستىكتەرى: كادەتتەر اراسىنداعى الەم چەمپيونى - 2005 (ليۆەرپۋل)؛ جاستار اراسىنداعى الەم چەمپيوناتىنىڭ كۇمىس جۇلدەگەرى - 2006 (ماروككو)؛ ازيانىڭ قولا جۇلدەگەرى - 2009 (قىتاي)؛ قازاقستاننىڭ ءۇش دۇركىن چەمپينى. س. نۇرماعامبەتوۆ اتىنداعى حالىقارالىق تۋرنيردىڭ 4 دۇركىن چەمپيونى؛ اسكەريلەر اراسىنداعى الەم چەمپيونى - 2014؛ «استانا ارلاندارىنىڭ» قۇرامىندا الەم چەمپيونى - 2015؛ ازيا چەمپيونى - 2015 (تايلاند)؛ حالىقارالىق دارەجەدەگى سپورت شەبەرى.
بيىل وليمپيادا ويىندارىنا ءبىرىنشى رەت قاتىسقالى وتىر. ولجاس ريو وليمپياداسىنا جولدامانى قىتايدا وتكەن بوكستان ازيا جانە مۇحيت ايماعى ەلدەرى اراسىنداعى جارىستا قانجىعاسىنا بايلادى. رەيتينگتە 3-ورىندا تۇر.
ايتا كەتەيىك، بيىل ءبىزدىڭ جىگىتتەرىمىز وليمپيادا ويىندارىنا تۇڭعىش رەت تولىق قۇراممەن بارا جاتىر. بۇعان دەيىن ءتورتجىلدىقتىڭ باستى سىنىنا 91 كەلى سالماق دارەجەسىندە ەشبىر بوكسشىمىزعا جولداما بۇيىرماي كەلگەن بولاتىن.
