استانادا جوعالىپ- تابىلعان جىگىت ءۇش كۇن بويى كومپيۋتەرلىك كلۋبتا ويىن ويناعان
23-ماۋسىمدا لەبەديەۆتىڭ تۋىستارى ونىڭ 20 -ماۋسىمدا جوعالىپ كەتكەنىن پوليتسياعا حابارلاعان. وسى دەرەك بويىنشا پوليتسەيلەر جەدەل- ىزدەستىرۋ شارالارىن جۇرگىزدى. كەيىن ونىڭ تانىستارىنان سۇراستىرىلىپ، كومپيۋتەرلىك كلۋبتار تەكسەرىلگەن.
«بۇگىن (24 -ماۋسىمدا - اۆت. ) شامامەن 10.00 دە لەبەديەۆ تابىلدى. جاۋاپ الۋ كەزىندە ول كومپيۋتەرلىك ويىندارعا قىزىعۋشىلىعىنا بولا وتباسىندا جانجال تۋعانىن ايتتى. سوندىقتان ول ۇيىنە قايتقىسى كەلمەپتى. وسى ۋاقىت بويى ول قوناقۇيلەردە تۇنەپ، كۇندىز كومپيۋتەرلىك كلۋبتا وتىرعان»، - دەدى ءى ءى د وكىلدەرى.
ەسكە سالايىق، ەر ادام 20 -ماۋسىمدا ۇيىنەن تاڭعى ۋاقىتتا شىعىپ كەتكەن. «ول جۇمىسىنا كەتكەندەي بولعان. ايەلىنە بىرنەشە ساعاتتان كەيىن كەلەتىنىن ايتىپ، ءوزى كومپيۋتەرلىك كلۋبقا ويناۋعا كەتىپتى. كەشكە يۆاندى ونىڭ جاقسى دوسى كەزدەستىرگەن. ول يۆاندى الىپ كەتىپ، ۇيىنە دەيىن جەتكىزگەن. اۋلادا ولار اڭگىمەلەسكەننەن كەيىن تارقاسقان. دوسى كەتىپ قالعان، ال ءىنىم ۇيگە كەلمەدى»، - دەدى جوعالعان جىگىتتىڭ اعاسى نيكولاي لەبەديەۆ.
دەرەككوز: Tengrinews.kz
