استانا كۇنىنە وراي مىڭداعان قىزىلوردالىق جەر تەلىمىن الماق

قىزىلوردا. قازاقپارات - قىزىلوردادا شىلدە ايىنىڭ باسىندا تۇرعىن ءۇي سالۋعا جەر تەلىمدەرى بولىنە باستايدى.

«استانا كۇنىنە تۇسپا-تۇس كەلگەن بۇل جاڭالىق مىڭداعان وتباسىنا جاقسى كوڭىل سىيلاماق»، - دەپ قالا اكىمى نۇرلىبەك نالىبايەۆ قالامگەرلەرمەن كەزدەسۋدە ايتتى.

مەرەكە قارساڭىندا جەزقازعان- قىزىلوردا تاسجولى بويىنان بولىنگەن جاڭا مولتەك اۋدانىنان جەكە تۇرعىن ءۇي ءۇشىن جەر تەلىمدەرى بولىنبەك.

مەردىگەرلەر بۇگىندە 900 گەكتار جەر تەلىمىن تەگىستەپ جاتىر. الداعى ۋاقىتتا كەزەڭ- كەزەڭىمەن جارىق، گاز، سۋ قۇبىرلارىن تارتادى.

«بۇعان دەيىن الدىمەن جەر الىپ، ءۇي سالىپ، سودان كەيىن عانا بيلىككە جارىق، گاز جانە سۋ مەن جول سۇراپ باراتىن»، - دەدى اكىم.

نەگىزىندە جاڭا مولتەك اۋداندا 5,5 مىڭ ادامعا ۇلەستىرىلمەك. بۇل بۇگىندە تۇرعىن ۇيگە كەزەككە تۇرعان باسقا دا قىزىلوردالىقتاردىڭ كەزەگىنىڭ العا جىلجۋىنا سەپتىگىن تيگىزبەك.

اۆتور: ەلۋباي اۋەزوۆ