ەلباسى: ب ۇ ۇ قاۋىپسىزدىك كەڭەسىنە سايلانۋ - ەلىمىزگە بەرىلگەن جوعارى باعا
بۇگىن استانادا يندۋستريالدى- يننوۆاتسيالىق دامۋ باعدارلاماسىنىڭ 2016-جىلعى I جارتىجىلدىق قورىتىندىسىنا ارنالعان كەڭەستە مەملەكەت باسشىسى نۇرسۇلتان نازاربايەۆ وسىلاي ءمالىم ەتتى.
«بىرىككەن ۇلتتار ۇيىمىنىڭ قازاقستاندى قولداپ، تاريحى ۇلكەن مەملەكەتتەرمەن باسەكەلەسە وتىرىپ، قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلانۋ - ەلىمىزگە بەرىلگەن باعا. بىرىنشىدەن، قازاقستان - بەيبىت سۇيگىش ەل. ەكىنشىدەن، الەم ەلدەرى قازاقستاننىڭ ەلارالىق تاتۋلاستىق پەن تابىستىرۋ ساياساتىن كورىپ وتىر. ەكونوميكاسىنىڭ ءوسۋى، ينتەگراتسياعا قازاقستاننىڭ جاقىندىعى دا كەشەگى داۋىس بەرۋگە ءوز سەپتىگىن تيگىزدى»، - دەدى ن. نازاربايەۆ.
سونىمەن قاتار، ەلباسى ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلانۋى تاۋەلسىزدىكتىڭ 25 جىلدىعىنداعى ەلەۋلى تابىس ەكەنىن ايتتى. «بۇل ءۇشىن بارشا قازاقستاندىقتاردى قۇتتىقتايمىن»، - دەدى ن. نازاربايەۆ.
اۆتور: قانات مامەتقازى ۇلى
