داعدارىس كەزەڭىندە يندۋستريالاندىرۋ ساياساتى وزەكتىلىگىن تانىتىپ وتىر - ەلباسى
بۇگىن استانادا «قازاقستان رەسپۋبليكاسىنىڭ يندۋستريالدى-يننوۆاتسيالىق دامۋىنىڭ مەملەكەتتىك باعدارلاماسى: 2016-جىلدىڭ I جارتىجىلدىق قورىتىندىسى» اتتى كەڭەستى اشقان مەملەكەت باسشىسى نۇرسۇلتان نازاربايەۆ وسىلاي مالىمدەدى.
«يندۋستريالاندىرۋ باعدارلاماسى ەكونوميكانىڭ قولايسىز جاعدايىندا سىرتقى فاكتورلارىنىڭ تەرىس سالدارىن ءارتاراپتاندىرۋ قاجەتتىلىگىنە باعىتتالدى. سوندىقتان دا، وسى باعدارلامانى جۇزەگە اسىرۋدى بەلسەندى تۇردە جالعاستىرۋعا ءتيىسپىز. ونىڭ قاجەت ەكەنىن ءبىز بىلدىك، بىزگە قاراپ باسقا ەلدەر دە وسىنى جاساپ جاتىر. بۇدان بولەك، داعدارىس جىلدارىندا يندۋستريالاندىرۋ ساياساتىنىڭ وزەكتى بولا ءتۇستى. كاسىپكەرلەر مەن ينۆەستورلار وندىرىستەر مەن جۇمىس ورىندارىن اشۋعا مۇمكىندىك الدى»، - دەدى جيىندى اشقان ەلباسى.
ەسكە سالساق، كەڭەس بارىسىندا 2016-جىلدىڭ ءبىرىنشى جاتىجىلدىعىنىڭ قورىتىندىلارى شىعارىلادى. «استانا كۇنىنىڭ قارساڭىندا قالىپتاسقان ءداستۇر بويىنشا جارتىجىلدىق قورىتىندىلانادى، يندۋستريالىق دامۋدىڭ جاڭا باعىت-باعدارى تالقىلانباق. قانداي ناتجەگە جەتتىك، قانداي كەمشىلىكتەر بولدى. بولاشاقتا نە ىستەۋ كەرەك؟ بۇنىمەن قوسا، بارلىق وبلىستارمەن تەلەكوپىر ارقىلى وڭىرلەردە قوسىلاتىن نىسانداردى كورەتىن بولامىز»، - دەدى ن. نازاربايەۆ.
اۆتور: قانات مامەتقازى ۇلى
