وقۋشىلار اراسىنداعى «قازاقستان موڭعوليانىڭ جاس سۋرەتشىلەرىنىڭ كوزىمەن» بايقاۋىنىڭ قورىتىندىسى شىقتى - فوتو

بەيجىڭ- ۇلانباتىر. قازاقپارات - ۇلانباتىردا قازاقستان تاۋەلسىزدىگىنىڭ 25 جىلدىعىن مەرەكەلەۋ اياسىندا وقۋشىلار اراسىنداعى «قازاقستان موڭعوليانىڭ جاس سۋرەتشىلەرىنىڭ كوزىمەن» بايقاۋىنىڭ قورىتىندىسى شىقتى.

شارانى سول ەلدەگى قازاقستان ەلشىلىگى موڭعوليانىڭ «Hushgahan» ۇكىمەتتىك ەمەس ۇيىمىمەن بىرلەسىپ ۇيىمداستىردى.

بايقاۋعا موڭعوليانىڭ ءتۇرلى وبلىستارىنان 8 وقۋشى قاتىستى.

ورحون ايماعىنىڭ (وبلىس) 10-سىنىپ وقۋشىسى و. مونحتساتسرال (1- ورىن)، گوۆسۇمبەر ايماعىنىڭ 11-سىنىپ وقۋشىسى ا. بارحاس (2- ورىن) جانە ۇلانباتىرداعى 16№ مەكتەپتىڭ 8-سىنىپ وقۋشىسى د. وتگون- ەردەنە (3- ورىن) ۇزدىك اتاندى.