قازاق گەوگرافيالىق قوعامى «ءاليحان بوكەيحان ىزىمەن» اتتى ەكسپەديتسيا ۇيىمداستىرادى
ءاليحان بوكەيحان - قوعام قايراتكەرى عانا ەمەس، ساياساتكەر، اعارتۋشى، جۋرناليست، قازاق تىلىندەگى العاشقى گەوگرافيا وقۋلىعىنىڭ اۆتورى، ەتنوگراف، ورىس گەوگرافيالىق قوعامىنىڭ مۇشەسى. يۋنەسكو كولەمىندە اتالىپ ءوتىپ جاتقان مەرەيتوي اياسىندا بۇگىندە رەسەي مەن تۇركيادا ايتۋلى شارالار بولىپ ءوتتى. قازاقستاندا دا الەم مويىنداعان الاش زيالىسىنىڭ ءومىرىن، شىعارماشىلىق جولىن، ساياسي تۇعىرىن تانىتارلىق، الاش كوسەمىنىڭ سان ءتۇرلى ونەردى بويىنا جيعان جان-جاقتى قىرىن اشارلىق كونفەرەنتسيالار مەن دوڭگەلەك ۇستەلدەر وتكىزىلىپ، شارالار ۇيىمداستىرىلۋدا.
بۇل الەمدىك شارادان قازاق گەوگرافيالىق قوعامى دا تىس قالماي، «ءاليحان بوكەيحان ىزىمەن» اتتى ەكسپەديتسيا ۇيىمداستىرۋدى جوسپارلاۋدا، دەپ حابارلادى فەيسبۋكتەگى پاراقشاسىندا. قۇرامىنا ايگۇل ءىسىماقوۆا، قايىربەك كەمەڭگەر، ايجان حاميت، ەلدوس توقتارباي سەكىلدى ت. ب. جەتەكشى الاشتانۋشىلار مەن تاريحشىلار تارتىلعان ەكسپەديتسيا اقتوعايدان باستالىپ، قارقارالى، سەمەي، ومبى، سانكت-پەتەربۋرگ، مينسك، سامارا، ورىنبوردا بولىپ، باعدارىن ماسكەۋدە اياقتاماق.
ەكسپەديتسيانىڭ ماقساتى - ءاليحان بوكەيحاننىڭ ءومىر جولىن كەڭ ارنادا تانىستىرۋ، وقىرماندارعا ەڭبەكتەرىن تانىتۋ، الاش كوسەمىنىڭ ەل ەركىندىگى ءۇشىن ىستەگەن ەرەن ەڭبەگىن ناسيحاتتاۋ. سونداي-اق ءالى كوپشىلىك قاۋىمعا ءمالىم بولا قويماعان دايەكتەر مەن قۇجاتتار ىزدەستىرۋ بولماق.
بوكەيحاننىڭ تۋعانىنا 150 جىل تولدى.
ءاليحان بوكەيحان - قوعام قايراتكەرى عانا ەمەس، ساياساتكەر، اعارتۋشى، جۋرناليست، قازاق تىلىندەگى العاشقى گەوگرافيا وقۋلىعىنىڭ اۆتورى، ەتنوگراف، ورىس گەوگرافيالىق قوعامىنىڭ مۇشەسى. يۋنەسكو كولەمىندە اتالىپ ءوتىپ جاتقان مەرەيتوي اياسىندا بۇگىندە رەسەي مەن تۇركيادا ايتۋلى شارالار بولىپ ءوتتى. قازاقستاندا دا الەم مويىنداعان الاش زيالىسىنىڭ ءومىرىن، شىعارماشىلىق جولىن، ساياسي تۇعىرىن تانىتارلىق، الاش كوسەمىنىڭ سان ءتۇرلى ونەردى بويىنا جيعان جان-جاقتى قىرىن اشارلىق كونفەرەنتسيالار مەن دوڭگەلەك ۇستەلدەر وتكىزىلىپ، شارالار ۇيىمداستىرىلۋدا.
بۇل الەمدىك شارادان قازاق گەوگرافيالىق قوعامى دا تىس قالماي، «ءاليحان بوكەيحان ىزىمەن» اتتى ەكسپەديتسيا ۇيىمداستىرۋدى جوسپارلاۋدا، دەپ حابارلادى فەيسبۋكتەگى پاراقشاسىندا. قۇرامىنا ايگۇل ءىسىماقوۆا، قايىربەك كەمەڭگەر، ايجان حاميت، ەلدوس توقتارباي سەكىلدى ت. ب. جەتەكشى الاشتانۋشىلار مەن تاريحشىلار تارتىلعان ەكسپەديتسيا اقتوعايدان باستالىپ، قارقارالى، سەمەي، ومبى، سانكت-پەتەربۋرگ، مينسك، سامارا، ورىنبوردا بولىپ، باعدارىن ماسكەۋدە اياقتاماق.
ەكسپەديتسيانىڭ ماقساتى - ءاليحان بوكەيحاننىڭ ءومىر جولىن كەڭ ارنادا تانىستىرۋ، وقىرماندارعا ەڭبەكتەرىن تانىتۋ، الاش كوسەمىنىڭ ەل ەركىندىگى ءۇشىن ىستەگەن ەرەن ەڭبەگىن ناسيحاتتاۋ. سونداي-اق ءالى كوپشىلىك قاۋىمعا ءمالىم بولا قويماعان دايەكتەر مەن قۇجاتتار ىزدەستىرۋ بولماق.
