قازاقستان ءوزىنىڭ شاڭحاي ىنتىماقتاستىق ۇيىمىنداعى ءتوراعالىعى كەزىندەگى باسىمدىقتارىن اتادى
دوڭگەلەك ۇستەل وتىرىسىنا قازاقستان مەن قىتاي مينيسترلىكتەرىنىڭ، ۆەدومستۆولارىنىڭ جوعارى دەڭگەيدەگى وكىلدەرى، بەيجىڭدە تىركەلگەن ش ى ۇ- عا مۇشە مەملەكەتتەر ەلشىلىكتەرىنىڭ ەلشىلەرى مەن ديپلوماتتارى، ق ح ر عىلىمي-زەرتتەۋ ورتالىقتارىنىڭ باسشىلارى جانە باسقا دا قىتايلىق ەكسپەرتتىك قوعامداستىقتاردىڭ وكىلدەرى قاتىستى.
القالى جيىندى اشقان ش ى ۇ باس حاتشىسى ر. اليموۆ تاۋەلسىزدىك جىلدارى ىشىندە قازاقستاندىق ديپلوماتيا قازاقستان پرەزيدەنتى نۇرسۇلتان نازاربايەۆتىڭ باسشىلىعىمەن شىن مانىندە حالىقارالىق تىنىس-تىرشىلىكتىڭ بارلىق سالالارىن قامتيتىن ءارى ەلدىڭ الەم مەن ادامزاتتىڭ تاعدىرى ءۇشىن شىنايى الاڭداۋشىلىق بىلدىرەتىن ءبىرقاتار ستراتەگيالىق ماڭىزى بار باستامالاردى جۇزەگە اسىرعاندىعىن باسا اتاپ ءوتتى.
ونىڭ اتاپ وتۋىنشە، تاشكەنت سامميتىنەن كەيىن ش ى ۇ- عا ءتوراعالىق ۇيىمنىڭ قۇرىلۋى باستاۋىندا تۇرعان جانە ونىڭ دامۋىنا ماڭىزدى ءارى زور ۇلەس قوسقان قازاقستان رەسپۋبليكاسىنا كوشتى. «ش ى ۇ- نىڭ ونجىلدىق مەرەيتويىن قازاق ەلورداسىندا اتاپ وتكەن سامميت جايىنداعى ەستەلىكتەر ءالى كۇنگە دەيىن جادىمىزدا»، - دەدى ول.
ش ى ۇ باس حاتشىسى قازاقستاننىڭ ش ى ۇ- عا ءتوراعالىعىنىڭ باستالۋى رەسپۋبليكانىڭ 2017-2018-جىلدارى كەزەڭىندە ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانۋىمەن تۇسپا-تۇس كەلۋىنىڭ نىشاندىق ءمانى بار ەكەندىگىن باسا اتاپ ءوتتى. سونىمەن قاتار ول بۇل وقيعانىڭ قازاقستاننىڭ حالىقارالىق بەدەلى مەن قۇرمەتىنىڭ لايىقتى دەڭگەيدە مويىندالۋى ءارى ەلىمىزدىڭ وڭىرلىك جانە الەمدىك ىستەردە بەلسەندى ءرولى بار ەكەندىگىنىڭ قۇپتالا ءتۇسۋى ەكەندىگىن ايتتى.
«الداعى جىلدار ىشىندە قازاقستان رەسپۋبليكاسىنىڭ ش ى ۇ- عا ءتوراعالىقتى ودان ارى ارتتىرىپ، ۇيىمنىڭ جاڭا ساپاعا كوتەرىلۋىن قامتاماسىز ەتەتىندىگىنە، ءبىزدىڭ ەلدەرىمىزدىڭ گۇلدەنۋى مەن حالىقتارىمىزدىڭ ءال-اۋقاتىن جاقسارتۋ جولىندا تىڭ قادامدارعا باراتىندىعىنا سەنىمدىمىن»، - دەپ مالىمدەدى ش ى ۇ باس حاتشىسى.
وسى رەتتە باس حاتشىنىڭ سوزىنە قولداۋ بىلدىرگەن قازاقستاننىڭ قىتايداعى توتەنشە جانە وكىلەتتى ەلشىسى ش. نۇرىشيەۆ ەلىمىزدىڭ ش ى ۇ قۇرىلعان كۇننەن باستاپ ونىڭ نەگىزىن قالاعان بەلسەندى مەملەكەتتەردىڭ ءبىرى بولعاندىعىن ءارى سولاي بولىپ قالا بەرەتىندىگىن، كوپتەگەن ءتۇرلى يدەيالارعا، جوبالارعا، قۇجاتتار مەن باعدارلامالارعا باستاماشىلىق ەتكەندىگىن باسا ايتتى.
«قازاقستان پرەزيدەنتى ن. نازاربايەۆ تاياۋدا تاشكەنتتە وتكەن سامميتتە ش ى ۇ اياسىنداعى ءبىزدىڭ ەلىمىزدىڭ نەگىزگى باعىتتارى وڭىرلىك قاۋىپسىزدىكتى نىعايتۋ، ەكونوميكالىق ىنتىماقتاستىقتى دامىتۋ، كولىكتىك-ترانزيتتىك الەۋەتتى اشۋ، مادەني جانە گۋمانيتارلىق بايلانىستاردى تەرەڭدەتۋ بولاتىندىعىن ناقتى بەلگىلەپ بەردى»، - دەدى ش. نۇرىشيەۆ.
ديپلومات قازاقستاننىڭ جاڭا سىن-قاتەرلەرمەن بىرلەسكەن كۇرەسكە زور ءمان بەرەتىندىگىن باسا اتاپ ءوتتى.
«تاشكەنتتە وتكەن ش ى ۇ سامميتىندەگى قازاقستان پرەزيدەنتىنىڭ ۇسىنىسىنا سايكەس قازىردىڭ وزىندە حالىقارالىق تەرروريزمگە قارسى بىرلەسكەن ءىس-قيمىل تۋرالى ۇيىم مالىمدەمەسىنىڭ جوباسىن ازىرلەۋ جۇمىستارى باستالىپ كەتتى. ول تاياۋ ۋاقىتتا مۇشە مەملەكەتتەردىڭ قاراۋىنا ۇسىنىلاتىن بولادى»، - دەدى ەلشى.
سونىمەن بىرگە، ش. نۇرىشيەۆ ءوز سوزىندە ەكونوميكالىق جانە مادەني-گۋمانيتارلىق ىنتىماقتاستىق ماسەلەلەرىنە دە توقتالدى. بۇل رەتتە ول قازاقستان ش ى ۇ- عا ءتوراعالىعى كەزىندە، اسىرەسە، ەكونوميكالىق ىنتىماقتاستىق ماسەلەلەرىنە باسا نازار اۋداراتىندىعىن باسا ايتىپ ءوتتى.
«ەۋرازيالىق ەكونوميكالىق وداق پەن قىتايلىق «جىبەك جولى ەكونوميكالىق بەلدەۋى» باستاماسىن تۇيىندەستىرۋ ءوڭىردىڭ بارلىق ەلدەرى ءۇشىن ەكونوميكالىق ءوسىم مەن ينفراقۇرىلىمدىق قۇرىلىستا كەڭ پەرسپەكتيۆالار اشاتىن بولادى. قازاقستان پرەزيدەنتى تاشكەنت سامميتى بارىسىندا ش ى ۇ- عا مۇشە مەملەكەتتەر مەن بايقاۋشى ەلدەردى بىرىكتىرەتىن ەۋرازيالىق ترانزيتتىك-كولىك حابىن قۇرۋ تۋرالى ۇسىنىس جاسادى. قازاقستان ءوز تارابىنان ە ا ە و مەن جىبەك جولى ەكونوميكالىق بەلدەۋى اياسىنداعى ىنتىماقتاستىقتى ۇيلەسىمدى تولىقتىرا تۇسەتىن «نۇرلى جول» ينفراقۇرىلىمدىق دامۋ مەملەكەتتىك باعدارلاماسىن جۇزەگە اسىرۋدى بەلسەندى جۇرگىزۋ ۇستىندە»، - دەدى ەلشى.
ش. نۇرىشەۆ ش ى ۇ- نىڭ مادەني-گۋمانيتارلىق باعىتىن ىلگەرى دامىتۋ ماقساتىندا قازاقستاننىڭ مادەني، ءبىلىم بەرۋ، دەنساۋلىق ساقتاۋ، قورشاعان ورتانى قورعاۋ، عىلىم مەن تەحنيكا، جاستار ساياساتى، تۋريزم مەن سپورت سالالارىنداعى ءوزارا ءىس-قيمىلدى تەرەڭدەتۋگە باسا ءمان بەرەتىندىگىن باسا ايتتى.
«ش ى ۇ شتاب-پاتەرىندەگى مۇشە مەملەكەتتەر كۇنى» جوباسى اياسىندا قازاقستان ءبىزدىڭ ۇيىمعا ءتوراعالىعىمىزعا ارنالعان ءبىرقاتار مادەني ءىس-شارالاردى ۇيىمداستىرۋدى جوسپارلاپ وتىر»، - دەدى قازاقستاننىڭ قىتايداعى ەلشىسى.
سونىمەن بىرگە قازاقستان ەلشىسى ق ر پرەزيدەنتى ن. نازاربايەۆتىڭ ۇسىسىنا سايكەس «بولاشاق ەنەرگياسى» تاقىرىبىمەن 2017-جىلى وتەتىن ەكسپو حالىقارالىق مامانداندىرىلعان كورمەسىنىڭ اشىلۋى قارساڭىندا، ياعني 8-9- ماۋسىمعا وتكىزىلۋى جوسپارلانعان استانا سامميتىنىڭ ش ى ۇ- عا قازاقستاندىق ءتوراعالىقتىڭ نەگىزگى وزەگى بولاتىندىعىن باسا ايتتى.
ەستەرىڭىزگە سالا كەتەيىك، قازاقستان رەسپۋبليكاسى شاڭحاي ىنتىماقتاستىق ۇيىمىن قۇرۋشى مەملەكەتتەردىڭ ءبىرى سانالادى. ەلىمىز بۇل بەدەلدى ۇيىمعا 2005 جانە 2011-جىلدارى ءتوراعالىق ەتكەن بولاتىن.
