زەرتتەۋ: ەرلەر ايەلدەرگە قاراعاندا كوبىرەك جۇمىس ىستەيدى

استانا. قازاقپارات - ا ق ش ماماندارى تەلەفون بويىنشا ساۋالناما جۇرگىزدى. وعان 10900 جۋىق ادام قاتىستى. زەرتتەۋشىلەر ەرلەر ايەلدەرگە قاراعاندا كوپ ۋاقىت جۇمىس ىستەيتىنىن انىقتادى.

الايدا، ايەلدەر، ۇيلەرىندە ءبىراز شارۋا تىندىرىپ ۇلگەرگەن. ەڭبەكپەن قامتىلعان ەرلەر ايەلدەرگە قاراعاندا كۇنىنە ورتاشا العاندا 42 مينۋت كوبىرەك جۇمىس ىستەگەن، دەپ جازدى The Daily Mail.

اپتاسىنا 35 ساعاتتان ارتىق جۇمىس ىستەگەن ەرلەر، كۇنىنە 8,2 ساعاتتان جۇمىستا بولعان. ال ايەلدەر كۇنىنە شامامەن 7,8 ساعات جۇمىس ىستەدى.

ايەلدەردىڭ  50 پايىز جانە ەرلەردىڭ 22 پايىز كۇندەلىكتى ۇيدەگى شارۋالارمەن اينالىسقان. ايەلدەردىڭ 70 پايىز جانە ەرلەردىڭ  43 پايىز تاعام دايىنداۋ جانە ءۇيدى جيناۋمەن اينالىسقان. مامانداردىڭ ايتۋىنشا، 2003-جىلدان كۇن سايىن تاماق پىسىرەتىن ەرلەر سانى 8 پايىز ارتقان، ال ءۇي شارۋاسىمەن اينالىساتىن ايەلدەر سانى  4 پايىز قىسقارعان، دەپ جازادى شەتەلدىك ب ا ق.