قىتايدا «جىل ستۋدەنتى» اتانعان قازاق قىزى: ەلىمنىڭ كوك اسپانىن ساعىندىم
ول قاتارلاستارىنان توپ جارىپ شىققانى ءۇشىن شەتەلدىك ستۋدەنتتەر فاكۋلتەتىنىڭ دەكانى حۋانگ ءمەيسيۋدىڭ اتىنان ەكى بىردەي ديپلومعا يە بولعان، - دەپ حابارلايدى pavlodarnews.kz ءتىلشىسى.
«قىتاي ەلىندە ەكولوگيالىق ماسەلە كۇن سايىن ارتىپ كەلەدى. سوندىقتان مۇندا بەتپەردە كيىپ ءجۇرۋ ۇيرەنشىكتى ادەتكە اينالعان. قىر اسىپ، ءبىلىم جولىنا تۇسكەن مەن سياقتى قازاقستاندىق جاستار ءۇشىن تۋعان ەلدىڭ كوك اسپانىن تاماشالاپ، تازا اۋاسىمەن تىنىستاۋدان اسقان باقىت جوق شىعار، ءسىرا.
سونداي- اق، ءوزىمىزدىڭ ۇلتتىق تاعامدارعا تەڭ كەلەتىن اس جوق ەكەنىنە كوزىم جەتتى. ءتىپتى، ءبىر جىلدىڭ ىشىندە ناعىز ەتتىڭ ءدامىن ۇمىتىپ قالعان ءتارىزدىمىن. كۇندەلىكتى اسقا تاۋىق ەتى جانە كۇرىشپەن اۋقاتتانامىز. ۇيگە ورالۋعا ءۇش كۇن قالدى. مينۋتتاردى ساناپ وتىرمىن دەسەم بولادى. انامنىڭ ىستىق باۋىرساعىن قاتتى ساعىندىم، - دەيدى «جاس دارىن» مامانداندىرىلعان مەكتەبىنىڭ تۇلەگى، «التىن بەلگى» يەگەرى.
بۇگىندە 20 جاستاعى ستۋدەنت قىتاي تىلىندەگى كىتاپتار مەن جۋرنالداردى ەركىن وقي الاتىن دەڭگەيگە جەتكەن. كورەيا، جاپونيا، كولۋمبيا، كانادا، موڭعوليا، رەسەي، گەرمانيا، سلوۆاكيا جانە يتاليا ەلدەرىنەن كەلگەن جاستارمەن دوستاسىپ كەتكەن فاريدا سوڭعى كەزدەرى كورەي ءتىلىن ۇيرەنۋگە دەن قويعان.
«ەندى الەمنىڭ تۇكپىر- تۇكپىرىندە ارالاساتىن دوستارىم بار. ەلباسىنىڭ ءتىلدىڭ ءۇش تۇعىرلىعى ساياساتىنا مەن دە ءوز ۇلەسىمدى قوسۋعا تىرىسامىن. بار ارمانىم - بولاشاقتا ەلىمىزدىڭ قارىشتاپ دامۋىنا اتسالىسۋ. مەنىڭ شەتەلدە ءبىلىم الۋىما قولداۋ كورسەتكەن انام مەن ءال- فارابي اتىنداعى قازاق- ۇلتتىق ۋنيۆەرسيتەتى قىتاي كافەدراسىنىڭ ۇستازدارىنا العىسىم زور، - دەيدى فاريدا.
