وزبەكستان پرەزيدەنتى قازاقستاندى ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلانۋىمەن قۇتتىقتادى
اعىمداعى جىلدىڭ 29 -ماۋسىمىندا وزبەكستان پرەزيدەنتىنە توتەنشە جانە وكىلەتتى ەلشى ەرىك وتەمبايەۆ سەنىم گراموتاسىن تاپسىرۋدىڭ سالتاناتتى راسىمىندە وزبەكستان باسشىسى قازاقستان ماڭىزدى شەشىم قابىلدايتىن جانە حالىقارالىق ومىرگە ىقپال ەتەتىن 15 ەلدىڭ قاتارىنا كىرگەنىن اتاپ ءوتتى. وزبەكستان كوشباسشىسى جەڭىس ن. نازاربايەۆ پەن قازاقستاندىق ديپلوماتيانىڭ سىرتقى ساياسي باعىتتاعى جەتىستىكتەرى بولىپ تابىلاتىنىن باسا ايتتى.
ي. كارىموۆ پايىمىنشا، مۇنداي «تاريحي جەڭىس 25 جىل بۇرىن مۇمكىن بولماعان». ول ب ۇ ۇ ق ك تۇراقتى ەمەس مۇشەلىگىنىڭ قاتارىنا سايلانۋ ءوڭىر ءۇشىن ورتاق جەتىستىك بولىپ تابىلاتىنىن اتاپ ءوتتى. بۇل قازاقستانعا ونىڭ مۇددەلەرىن قامتاماسىز ەتۋ بويىنشا ەرەكشە مىندەتتەمە جۇكتەيدى.
وزبەكستان پرەزيدەنتى ن. نازاربايەۆ ونىڭ جاقىن دوسى، پىكىرلەسى ەكەنىن ەرەكشە توقتالىپ، ق ر پرەزيدەنتى العا قويعان ماقساتتارعا ۇنەمى قول جەتكىزەتىن، پراكتيكالىق مىندەتتەردى شەشۋگە باعىتتالعان دايەكتى، سارالانعان ساياسي باعىت ۇستاناتىن اتاپ ءوتتى.
مۇمكىندىكتى پايدالانا وتىرىپ ي. كاريموۆ قازاقستاندىق كوشباسشىعا ب ۇ ۇ ق ك سياقتى ماڭىزدى جانە بەدەلدى حالىقارالىق ينستيتۋتتا جوعارعى ميسسيانى ورىنداۋ بارىسىندا جاڭا تابىستار مەن جەتىستىكتەر تىلەدى.
