ايگىلى ميللياردەر قازاقستاننىڭ رەسەيسىز- اق ءومىر سۇرە الاتىنىن مالىمدەدى

استانا. قازاقپارات - لوندونداعى «اشىق رەسەي» كلۋبىندا ءسوز سويلەگەن ميللياردەر دجوردج سوروس رەسەيدەن دەربەستىككە قازاقستان كوبىرەك قول جەتكىزە الدى دەپ مالىمدەدى.

«رەسەيدەن باسقالاردان گورى قازاقستان دەربەستىككە جەتە الدى. نۇرسۇلتان نازاربايەۆ وزگەلەرگە قاراعاندا ءبىرشاما ءبىلىمدى بولاتىن. ۇزاق ۋاقىتتان بەرى بيلىك باسىندا وتىرعانىنا قاراماستان، بۇل ەلدە ءبىلىم العان، ونىڭ ىشىندە شەتەلدە وقىعان ءبىلىمدى ورتا تاپ پايدا بولدى. قالاي اتالاتىنىن بىلمەيمىن، ءتىپتى مەملەكەتتىك ۋنيۆەرسيتەت، بۇل ايماقتاعى وزگە ۋنيۆەرسيتەتتەرمەن سالىستىرعاندا، الدەقايدا جوعارى ستاندارتتارعا يە. وندا شەتەلدىك وقىتۋشىلار كوپ. ە ى د ۇ- مەن ىنتىماقتاستىق تۋرالى ماڭىزدى كەلىسىمگە قول قويعان. ولار رەسەيدىڭ نارىعىنا شىعۋ ءۇشىن شەتەل كاپيتالىن تارتۋعا تىرىسىپ جاتىر» ، - دەپ اتادى ول.

سوروستىڭ پىكىرىنشە، وزگە ەلدەر رەسەيگە كوبىرەك تاۋەلدى، سونداي- اق ولار السىزدەۋ.

«مىسال رەتىندە تاجىكستاندى الىپ قاراۋىمىزعا بولادى. ول، وكىنىشكە قاراي، باتىس كەڭپەيىلدىك تانىتىپ وتىرعان ەلدەردىڭ ءبىرى» ، - دەپ اتاپ كورسەتتى ول.

85 جاستاعى ميللياردەر، سونىمەن بىرگە باسقا دا بۇرىنعى كەڭەستىك مەملەكەتتەرگە وزىندىك باعاسىن بەردى. اتاپ ايتقاندا، سوروستىڭ ايتۋىنشا، قىرعىزستاندا دەموكراتيالىق دامۋدىڭ جوعارى دەڭگەيى بولعان، بۇل ەل «جەمقورلىقتان تازا پرەزيدەنتكە قول جەتكىزە الدى» . - دەدى ميللياردەر.

ونىڭ ويىنشا، تاجىكستان رەسەيگە كوبىرەك تاۋەلدى.

nur.kz