ر. ەردوعان ن. نازاربايەۆتى قازاقستاننىڭ ب ۇ ۇ ق ك تۇراقتى ەمەس مۇشەلىگىنە سايلاۋداعى جەڭىسىمەن قۇتتىقتادى
اڭگىمە بارىسىندا تۇركيا پرەزيدەنتى ەلباسىن 28- ماۋسىمدا نيۋ-يوركتە وتكەن ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلاۋداعى قازاقستاننىڭ ايقىن جەڭىسىمەن قۇتتىقتادى.
مەملەكەت باسشىسى ىستانبۇل قالاسى اۋەجايىنداعى تەرروريستىك اكت سالدارىنان قازا بولعانداردىڭ تۋىستارى مەن جاقىندارىنا شىن نيەتپەن كوڭىل ايتتى.
نۇرسۇلتان نازاربايەۆ الەمدىك قاۋىپسىزدىككە قاتەر توندىرەتىن حالىقارالىق تەرروريزم مەن ەكسترەميزم ارەكەتتەرىن قازاقستان قاتاڭ ايىپتايتىنىن اتاپ ءوتتى.
ر. ەردوعان تۇركيا مەن رەسەي اراسىنداعى بارلىق قارىم-قاتىناستى رەتتەۋگە باعىتتالعان باعا جەتپەس ۇلەسى مەن زور ەڭبەگى ءۇشىن نۇرسۇلتان نازاربايەۆقا العىس ءبىلدىردى.
تۇرىك كوشباسشىسى ەلباسىنا رەسەي فەدەراتسياسىنىڭ پرەزيدەنتى ۆ. پۋتينمەن تەلەفون ارقىلى سويلەسكەنىن ايتتى جانە انكارا مەن ماسكەۋ اراسىن جاقىنداتۋ تۇرعىسىنان كوزدەلگەن قادامدار جۇزەگە اسادى دەپ ۇمىتتەنەتىنىن جەتكىزدى.
ر. ت. ەردوعان قازاقستان پرەزيدەنتىن جۋىق ارادا تۇركياعا ساپارمەن كەلۋگە شاقىردى.
تەلەفون ارقىلى سويلەسۋگە تۇرىك جاعى باستاماشى بولدى.
