ەلىمىزدە ءدارى- دارمەك تۋرالى اقپارات بەرەتىن سايت ىسكە قوسىلدى

استانا. قازاقپارات - قازاقستاندا ءدارى- دارمەك جايلى تولىققاندى اقپارات بەرەتىن جاڭا ۆەب- سايت ىسكە قوسىلدى.

ءدارى- دارمەكتەر تۋرالى دەرەكتەر بازاسى دەنساۋلىق ساقتاۋ مينيسترلىگىنىڭ تاپسىرىسى بويىنشا ازىرلەنگەن.

«KNF. KZ» سايتى اق حالاتتىلاردىڭ جۇمىسىن جەڭىلدەتۋگە جانە ناۋقاستارعا تەز ساۋىعىپ، از شىعىندالۋعا مۇمكىندىك بەرەدى، ياعني، دارىلەردىڭ تيىمدىلىگى تۋرالى پىكىرلەر مەن ءار ءتۇرلى اۋرۋلاردى ەمدەۋ بويىنشا ۇسىنىستار جيناقتالعان. سونداي- اق، قىمبات ءدارى- دارمەككە بالاما بولارلىق ارزان پرەپاراتتىڭ دا باعاسى كورسەتىلگەن. بازانى دايىنداۋعا بريتاندىق فورمۋليار ازىرلەۋشىسى دۋنكان ەنرايت اتسالىسقان. ونىڭ كومانداسىندا وتاندىق ماماندار مەن ەۋروپانىڭ ونشاقتى ساراپشىسى جۇمىس ىستەيدى.

ء«قازىر بازادا جەتى جۇزگە تارتا ءدارى- دارمەك اتاۋى بار. ءبىراق جاقىن ارادا قازاقستاندا تىركەلگەن بارلىق دارىلەردى تىزىمگە ەنگىزەمىز. ءتيىمسىز ءدارى- دارمەكتەردى دە قوسامىز. وندا بىردەن پىكىرلەردى، رەيتينگتەر مەن دارىلەردىڭ ارزان انالوگتارىن كورسەتەمىز. ءبىز سايتتى ۇنەمى پىسىقتاپ، جاقسارتىپ وتىرامىز» ، - دەدى قازاقستاندىق ۇلتتىق دارىلىك فورمۋلياردى ازىرلەۋشى دۋنكان ەنرايت.

فورمۋلياردىڭ ەرەكشەلىگى - ءدارى ءتۇرىن جىلدام ىزدەۋگە جانە الەمنىڭ ءار تۇكپىرىندەگى دارىگەرلەردىڭ پىكىرىن بىردەن كورۋگە مۇمكىندىك بەرەدى. قازاقستاندىق فورمۋليار ءقازىردىڭ وزىندە ورتالىق ازيانىڭ ەڭ ۇزدىگى تانىلدى. سونداي- اق، ءقازىر فارماتسيەۆتەر مىندەتتى مەديتسينالىق ساقتاندىرۋ تىزىمىنە ەنەتىن ءدارى تۇرلەرىن تالقىلاۋدا.

Bak.kz