كاتار ۋنيۆەرسيتەتىنىڭ باسشىسى قازاقستانمەن ىنتىماقتاستىقتى دامىتۋعا مۇددەلىلىك تانىتتى

ءابۋ- دابي. قازاقپارات - ءبىلىم جانە عىلىم سالاسىنداعى قازاقستاندىق-كاتار ىنتىماقتاستىعىن دامىتۋ ماقساتىندا كاتارداعى قازاقستان ەلشىسى اسقار شوقىبايەۆ كاتار ۋنيۆەرسيتەتىنىڭ رەكتورى حاسان راشيد دەرحاممەن كەزدەستى.

اڭگىمە بارىسىندا تاراپتار عىلىمنىڭ ءتۇرلى سالالارىندا تاجىريبەمەن، وقىتۋشىلارمەن، ستۋدەنتتەرمەن الماسۋ، قازاقستان ج و و- لارىندا اراب ستۋدەنتتەردىڭ تاعىلىمدامادان ءوتۋىن ۇيىمداستىرۋ قاجەتتىلىگى سياقتى ماسەلەلەر بويىنشا ءوزارا تۇسىنىستىككە كەلدى.

وسى باعىت بويىنشا تاياۋ ۋاقىتتا دوحادا ق ر باسشىلىعىنىڭ ساپارى اياسىندا ءتيىستى مەموراندۋمعا قول قويىلاتىن بولادى.

اتالعان ۋاعدالاستىقتاردى ىسكە اسىرۋعا كاتار ۋنيۆەرسيتەتى باسشىسىنىڭ مۇددەلىلىگىن اتاپ وتكەن ءجون.