ءاردايىم شارشاپ ءجۇرۋىمىزدىڭ سەبەبى

 استانا. قازاقپارات - جامان ادەتتەر ءسىزدى شارشاتسا، جان تىنىشتىعى مەن سەرگەكتىكتى قالىپتاستىرۋعا ومىرلىك ءادىس- تاسىلدەر كومەكتەسەدى.

ۇيقىسىزدىق - بۇكىل قۋاتىڭىزدى سورىپ الاتىن باستاۋ. ءسىز ورىندايتىن (نەمەسە ورىندامايتىن) ۇساق- تۇيەك زاتتار اقىلىڭىز بەن فيزيكالىق جاعدايىڭىزدى ناشارلاتىپ، ىشتەن جەپ تىنۋى عاجاپ ەمەس. ساراپشىلار شارشاۋ سەزىمىنىڭ ەڭ كوپ تارالعان زياندى ادەتتەرىن انىقتاپ، ەركىن كۇيىڭىزدى قالپىنا كەلتىرۋگە مۇمكىندىك بەرەتىن ەرەجەلەردى ۇسىنادى.

ءسىز - كەمەڭگەر جانسىز. « ء اردايىم العا ۇمتىلىپ، بيىك شىڭدى باعىندىرۋ جىگەرلەندىرىپ قانا قويماي، قۇلشىنىسپەن اياقتاۋعا باۋليدى» ، - دەيدى پروفەسسور يرەن ليەۆين، - «الدىڭىزعا ورىندالماس قيىن ماقسات قويىپ، جۇمىسىڭىزدان ءلاززات الا المايسىز» . ول كۇندەلىكتى جۇمىستى ءسال كەيىنگە شەگەرىپ، بەلگىلەنگەن كەستەنى ۇستاۋدى ەسكەرتەدى. ارادا ءبىراز ۋاقىت وتكەننەن كەيىن، جۇمىسىڭىزعا ارناعان كوپ ۋاقىتىڭىز بەكەرگە كەتكەنىن كورىپ، قىنجىلاسىز.

ءسىز فاست فۋدپەن جانە زياندى ازىقتارمەن تاماقتاناسىز. بۇل قازىرگى كەزدە ءساندى ءارى ءدامدى تاعامدار بولعانىمەن، زيانى دا جەتىپ ارتىلادى. تىم ءتاتتى نە شەكتەن تىس اشى تاعام اعزاڭىزعا ەداۋىر زالال تيگىزەرىن ەستەن شىعارماعانىڭىز ءجون. سوندىقتان مولشەردەن ارتىق پايدالانباۋعا تىرىسىپ باعىڭىز. دەنساۋلىعىڭىزدى كۇتىڭىز.

شارشاڭقى كۇيدە كۇندەلىكتى جاتتىعۋ جاساۋدى ويعا دا المايسىز. كۇش- جىگەرىمدى ساقتايمىن دەپ، جاتتىعۋدى ورتاسىنان ءۇزىپ تاستاۋ كوپشىلىكتىڭ قاتەلىگى. كەرىسىنشى، جاتتىعۋ جاساپ، كۇش- جىگەرىڭىزدى قالىپقا كەلتىرەسىز. دجورديا ۋنيۆەرسيتەتىندە وتكەن تاجىريبەدە ستۋدەنتتەر 6 اپتا سالاۋاتتى ءومىر سالتىن قالىپتاستىرىپ، جەتكەن جەتىستىكتەرىن ماقتانا ايتتى. وعان قوسا 20 مينۋتتىق 3 جاتتۋىعۋ جاساعان دا بولاتىن. بۇل جاتتىعۋلاردىڭ كومەگى كوپ، وعان قوسا ول ءوزىڭىزدى سەنىمدىلىككە باستار جول بولا الادى. سول سەبەپتى كەلەسى جولى جاتتىعۋ زالىنا باراتىن كۇشىڭىز بولماسا، جاي عانا دالادا سەرۋەندەپ، تازا اۋادا ءجۇرىپ كەلىڭىز.

تاڭعى اس ىشپەيسىز. «تاڭعى اس - تاڭىردەن» دەيدى قازاق. تاعام - اعزاعا ەڭ كەرەك دارۋمەن ىسپەتتەس. ەگەر دە تاڭعى اسىڭىزدى قابىلدامايتىن بولساڭىز، كۇنى بويى السىرەپ، مازاڭىز قاشادى. اسىعىس بولساڭىز دا، تاماقتانۋعا ۇلگەرىڭىز. تاڭعى استى قابىلداماعانىڭىز كوڭىل- كۇيىڭىزگە اسەر ەتۋى ابدەن مۇمكىن. ءتاتتى ەمەس، پايدالى تاعامدى تاڭداپ، تاڭعى استى قالدىرماڭىز.

تەمىردىڭ جەتىسپەۋشىلىگى ءىسىڭىزدى باياۋلاتىپ، ءالسىز ءارى تىنىمسىز ەتۋى مۇمكىن. «اعزاڭىز وتتەگىنى قابىلداۋى تومەندەسە، شارشايسىز» ، - دەيدى گۋدسون. بۇلاي جالعاساتىن بولسا انەميا اۋرۋىنا شالدىعۋىڭىز ابدەن مۇمكىن. سوندىقتان قۇرامىندا تەمىر بار تاعامداردى پايدالانىڭىز: بۇرشاق، جاسىل جاپىراق، جاڭعاق جانە جاڭعاق مايى. دەر كەزىندە دارىگەرگە قارالىپ، اۋرۋدىڭ الدىن الماساڭىز ۋشىعىپ كەتۋى عاجاپ ەمەس.

ءسىز باس تارتا المايمىز. وزگەنىڭ كوڭىلىن قالدىرعىڭىز كەلمەيتىن كوڭىل جىقپاستىق قاسيەتىڭىز "ارقاسىندا" قۋاتىڭىز بوسقا قۇرتىلادى. ۋاقىت وتە كەلە مۇنداي قىلىقتىڭ ارتى وكپە مەن رەنىشكە تولى بولادى. ەستە ساقتاڭىز: ءسىزدى باستىعىڭىز جەكسەنبى كۇنى جۇمىسقا شاقىرسا، كەلىسىپ- كەلىسپەۋ ءوز ەركىڭىزدە. «جوق» دەپ ايتىپ ۇيرەنىڭىز. ەگەر ايتۋعا قينالساڭىز، ىشىڭىزدەن بىرنەشە رەت قايتالاپ، سالدەن سوڭ داۋىستاپ ايتىڭىز.

ءسىز تۇيمەدەيدى تۇيەدەي ەتەسىز. بارىنە شىدامدىلىقپەن قاراڭىز. ەگەر ءبارى دۇرىس بولعانىن قالاساڭىز، تەرەڭ دەم الىپ تىنىشتىق ساقتاڭىز. ۇمىتپاڭىز «سابىر ءتۇبى - سارى التىن» . تازا اۋادا سەرۋەندەپ، تابيعاتتىڭ كوركەم قۇبىلىسىن تاماشالاۋدى دا ەستەن شىعارماعانىڭىز ءجون.

ءسىز سۇيىقتىقتى جەتكىلىكتى مولشەردە ىشپەيسىز. ديەتولوگ ەمي گۋدسون ايتۋىنشا، سۇيىقتىقتىڭ ازدىعى اعزادا ءتۇرلى اۋرۋ تۋدىرادى. سوندىقتان نەعۇرلىم سۇيىقتىق كوبىرەك ءىشىپ، اعزاڭىزدى تولىقتىرىپ وتىرىڭىز.

massaget.kz