نازاربايەۆ: اتا-بابا ارۋاعىنا سىيىنۋدا تۇرعان ەشقانداي ابەستىك جوق

استانا. قازاقپارات - پرەزيدەنت قوعام ومىرىنە قاتىستى كۇن تارتىبىندە تۇرعان وزەكتى ماسەلەرگە قاتىستى پىكىر بىلدىرەدى. سونىڭ ءبىرى - ءدىن تاقىرىبى.

بۇل تۋرالى baq.kz حابارلايدى.

«قازاقستاننىڭ مۇسىلماندىق ءدىني نانىمى الدەقايدا بايسالدى، تولەرانتتى. ءسۇننيت ءدىننىڭ بايسالدى، زايىرلى اعىمى دەۋگە بولادى. ءبىزدىڭ ءوز ءداستۇرىمىز، سالت-سانامىز بار. قازاقتار وسى كۇنگە دەيىن اتا-باباسىنىڭ ارۋاعىنا سىيىنىپ كەلگەن. ال قۇراندا ەشقانداي ارۋاققا تابىنۋعا بولمايدى، تەك قانا اللاعا تابىنۋ كەرەك دەپ ايتىلعان. ءبىراق مەن جەتى اتامىزدى بىلە تۇرا ولاردىڭ ارۋاعىنا سىيىنعاننان ەشقانداي ابەستىك كورىپ تۇرعان جوقپىن»، - دەگەن ەلباسىنىڭ پىكىرى «مەملەكەت باسشىسى» اتتى جاڭا فيلمدە قامتىلعان.

3- شىلدەدە قازاقستان پرەزيدەنتى جايلى «مەملەكەت باسشىسى» دەگەن جاڭا فيلم كورەرمەن نازارىنا ۇسىنىلماق. وندا ەلباسىنىڭ جەكە ءومىرى، ەل باسقارۋ ءىسى ھاقىندا بۇقاراعا بەيمالىم بولعان فاكتىلەر باياندالماق. فيلمدى سول كۇنى ساعات 21:00 دە ك ت ك ارناسىنان، 22:00 دە «حابار» ارناسىنان تاماشالاۋعا بولادى.