ۇكىمەت وتىرىسىندا جالاقى ماسەلەسى تىڭعىلىقتى قارالادى

استانا. قازاقپارات - كەلەسى اپتادا وتەتىن ەل ۇكىمەتىنىڭ سەلەكتورلىق وتىرىسىندا جەرگىلىكتى اكىمدەر شاعىن جانە ورتا كاسىپورىندارداعى قىزمەتكەرلەرگە جالاقى تولەنۋ ماسەلەسى قارالادى.

بۇل تۋرالى بۇگىن ق ر ۇكىمەتى وتىرىسىندا پرەمەر-مينيستر كارىم ءماسىموۆ ءمالىم ەتتى.

«ۇكىمەتتىڭ كەلەسى وتىرىسىندا قارالاتىن ەكىنشى ماسەلەگە بايلانىستى مەن جالاقى تولەۋگە قاتىستى ءبىرقاتار ءوڭىردىڭ بايانداماسىن تىڭداعىم كەلەدى. وسى اپتا ىشىندە بارلىق كاسىپورىندارمەن جۇمىس ىستەپ، بىزگە نە بولىپ جاتقانى، قانداي شارالار قابىلداۋ قاجەتىنە وراي ناقتى اقپاراتتار بەرىلۋى قاجەت»، - دەدى ۇكىمەت باسشىسى.

سونىمەن قاتار ول كەشە قاراعاندى وبلىسىنا جۇمىس ساپارىن جاساپ، ءىرى تاۋ-كەن مەتاللۋرگيالىق كاسىپورىنداردىڭ باسشىلارىمەن كەزدەسكەنىن ەسكە سالىپ ءوتتى.

«ولار ماعان مەملەكەت باسشىسىنىڭ تاپسىرماسىنا سايكەس جۇمىسشى قىزمەتكەرلەرىنىڭ قىسقارتىلمايتىندىعىنا ۋادە بەردى. ياعني، ولار كاسىپورىندار بىردە-ءبىر ادامنىڭ قىسقارمايتىندىعىن، ولاردىڭ جالاقىلارى تولەنەتىندىگىن ايتتى. دەگەنمەن، مۇنان بولەك بىزدە ورتا جانە شاعىن كاسىپورىندار كوپ، ەكونوميكالىق احۋال ولارعا ارقا سۇيەيدى. سوندىقتان بۇل ماسەلە ءبىزدىڭ باقىلاۋىمىزدا بولۋى ءتيىس. كەلەسى اپتادا ءبىز ونى تىڭعىلىقتى قارايتىن بولامىز»، - دەدى ك. ءماسىموۆ.

اۆتور: مارلان جيەمباي