عالىمدار: جۇگىرۋ مي جۇمىسىن جاقسارتادى

استانا. قازاقپارات - سپورت پەن قاراپايىم فيزيكالىق جاتتىعۋلار ادامداردىڭ كوگنيتيۆتىك مۇمكىندىكتەرىن جاقسارتادى.

امەريكالىق ۇلتتىق يستيتۋتتىڭ عالىمدارى فيزيكالىق جاتتىعۋلار مي جاسۋشالارىنا قالاي اسەر ەتەتىنىن انىقتادى.

فيزيكالىق جاتتىعۋلار ەستە ساقتاۋ قابىلەتى مەن جالپى ميدىڭ جۇمىسىن جاقسارتاتىنى بارشاعا ايان. الايدا بۇل نەمەن بايلانىستى ەكەنى جۋىردا عانا انىقتالدى.

بيولوگتار سپورتپەن بەلسەندى تۇردە شۇعىلدانعاندا مي جاسۋشالارىنىڭ وسۋىنە سەپتەسەتىن كاتەپسين B دەپ اتالاتىن اقۋىزدىڭ شامادان كوپ بولىنۋىمەن بايلانىستى نە بولاتىنىن انىقتادى.

زەرتحانالىق زەرتتەۋدە كەمىرۋشىلەر پايدالانىلدى. تىشقانداردى ەكى توپقا ءبولدى. ءبىرىنشى توپتاعى تىشقانداردا بۇل اقۋىزدار قالىپتى تۇردە قالىپتاستى، ال ەكىنشىدە بۇل مۇمكىندىككە توسقاۋىل قويدى.

كەيىن كەمىرۋشىلەردى باسسەيننەن پلاتفورماعا جول تابۋى بويىنشا تەكسەردى.

ناتيجەسىندە، العاشقى توپتاعى تىشقاندار بۇل تاپسىرمانى كەدەرگىسىز ورىندادى، ال ەكىنشى توپتا قيىندىقتار تۋىندادى.

عالىمدار جۇگىرەتىن ادامداردىڭ ەستە ساقتاۋ قابىلەتى جاقسىراق بولادى دەگەن توقتامعا كەلدى، دەپ جازادى شەتەلدىك ب ا ق.