ەركە ەسماحان ينستاگرامدا ۇسىنىس جاساعانداردىڭ قايسىسىنا تۇرمىسقا شىعارىن بىلمەي ءجۇر
بۇل تۋرالى Stan.kz حابارلايدى. مۇنىمەن قاتار، ول ءدال قازىر باسىنىڭ بوس ەكەنىن جەتكىزدى.
ەركە ەسماحان ەكس- سۇيىكتىسى اسحات سادىربايمەن اجىراسىپ كەتكەن بولاتىن. ەكەۋىنىڭ ورتاق ءتورت جاسار ۇلدارى بار. ءانشى وتباسىلىق قيىندىقتاردىڭ بارلىعى ارتتا قالىپ، بۇگىندە وزىنە تۇرمىسقا شىعۋعا ۇسىنىس جاساپ جۇرگەن جىگىتتەردىڭ كوپ ەكەنىن ايتادى. ءبىراق ەسماحان ولاردان ابدەن مەزى بولعان سياقتى. سەبەبى، ۇسىنىستى الدىنا كەلىپ ەمەس، الەۋمەتتىك جەلىلەر ارقىلى جاسايدى ەكەن.
«اقپاراتتىق تەحنولوگيا مەن ينتەرنەتتىڭ دامىپ كەتكەنى سونشالىق، تۇرمىسقا شىعۋ تۋرالى ۇسىنىس ينستاگرامدا جاسالاتىن بوپتى. سوڭعى كەزدە ءاربىر سۋرەتىمنىڭ استىنا ايتەۋىر ءبىر ۇسىنىس كەپ تۇسەدى. دايرەكت دەگەن جەردە دە ۇيلەنۋ تۋرالى ۇسىنىستار قانشاما؟! تاڭداۋ كوپ. كىمگە شىقسام ەكەن؟!
ۇسىنىستى قويشى، «ءلۇپىل باسشى، قايتارام» دەگەن نە؟! قارىزعا اقشا سۇراعانداي جالىنىپ ءلۇپىل سۇرايتىن ينستاقولدانۋشىلار كوپ! ءلۇپىل قانداي ماسەلەلەرىڭىزدى شەشىپ ءجۇر؟! «ناتاشا، يا پوحۋدەلا!» دەگەندەر شە؟! ولارعا قىرسىعىپ، كەرىسىنشە سەمىرگىڭ كەپ كەتەدى. ينستاگرام جاقسى تىلەكتەر، ورىندى سىن- پىكىرلەر الاڭىنا اينالسا ەكەن»، - دەيدى ءانشى.
مۇنىمەن قاتار، بۇدان بىلاي تىڭدارماندارىن سەلفي سۋرەتتەرمەن مەزى ەتپەۋگە ۋادە بەردى. جاسقا قارامايتىن ماحاببات تۋرالى پىكىرىمەن ءبولىستى.
«بوس سەلفي سۋرەتتەرمەن مەزى ەتكىم كەلمەيدى. ءار سۋرەتكە ۇزاق سوزدەر جازاتىن بولىپ ءجۇرمىن. اڭگىمە ايەلدەردىڭ وزىنەن ونداعان جاس كىشى جىگىتتەرمەن باس قوسۋى تۋرالى بولماق. رەسەيلىك، باتىستىق شوۋ- بيزنەس وكىلدەرىنىڭ كوپشىلىگى وزدەرىنەن ونداعان جاس كىشى جىگىتتەرگە تۇرمىسقا شىعادى ەكەن.
ماحاببات شىنىمەن جاسقا قاراماي ما؟! ارامىزدا وسىنداي وتباسىلار بار شىعار؟! 1-2 جاس ەمەس، 10-20 جاس ايىرماشىلىعى بار جۇپتاردىڭ وتباسىلىق ءومىرى قالاي ەكەنى قىزىقتىرادى. مۇندايعا سىزدەر قالاي قارايسىزدار؟ جارايدى، كىم نەشەدە بولسا دا، ءبارى باقىتتى، ءۇبىرلى-ءشۇبىرلى بولسىن! ءار كىمنىڭ ءوز ءومىرى عوي»، - دەيدى ەركە ەسماحان.
ءسوز سوڭىنادا بۇل ماسەلەنىڭ وزىنە ەشقانداي قاتىسى جوق ەكەنىن ايتىپ ءوتتى.
