13:00, 27 - ماۋسىم 2016 | GMT +6
استانا اكىمدىگى جۇمىسىنىڭ باسىم باعىتتارىنىڭ ءبىرى يننوۆاتسيانى دامىتۋ بولادى - ءا. يسەكەشەۆ
استانا. قازاقپارات - استانا اكىمدىگى جۇمىسىنىڭ باسىم باعىتتارىنىڭ ءبىرى يننوۆاتسيانى دامىتۋ بولادى. بۇل تۋرالى بۇگىن ەلوردا باسشىسى اسەت يسەكەشەۆ ءمالىم ەتتى.
«استانا - وزىندىك مادەنيەتىمەن قالا ءومىرىن وتە ساپالى ەتۋگە ۇمتىلاتىن، ۇنەمى دامۋ ۇستىندەگى اشىق قالا. سوندىقتان دا يننوۆاتسيانى دامىتۋ ماسەلەسى ءبىزدىڭ اكىمدىك جۇمىسىنىڭ ەڭ باستى باسىمدىقتارىنىڭ ءبىرى بولادى»، - دەدى قالا اكىمى نازاربايەۆ ۋنيۆەرسيتەتى اۋماعىندا ءوتىپ جاتقان Tech Garden Summer FEST تەحنولوگيالىق فەستيۆالىنىڭ قوناقتارىنا ارناعان سوزىندە.
سونىمەن قاتار ول تاياۋ ارالىقتا ج و و (نازاربايەۆ ۋنيۆەرسيتەتى)، ق ر ءبىلىم جانە عىلىم، ينۆەستيتسيالار جانە دامۋ مينيسترلىكتەرىنىڭ اقىلدى قالا جاساۋ اياسىنداعى بىرلەسكەن باعدارلاماسىن جاريا ەتەتىندىگىن ءمالىم ەتتى. مۇنان بولەك، ەلوردادا جىلىنا بىرنەشە رەت ستارتاپتار بايقاۋى وتكىزىلىپ تۇراتىن بولادى.
اۆتور: مارلان جيەمباي
