ەندى قوعامدىق ورىنداردا ىشىمدىك ىشكەن مەملەكەتتىك قىزمەتكەرلەر جۇمىستارىنان ايىرىلادى
ونىڭ 79 ى ەتيكا كودەكسىن ورەسكەل بۇزعان. بۇل جونىندە بۇگىن ورتالىق كوممۋنيكاتسيالار قىزمەتىنىڭ كەزەكتى بريفينگىندە قۇزىرلى مينيسترلىك وكىلدەرى مالىمدەدى.
ايتا كەتەيىك، جىل باسىنان بەرى ەلىمىزدە مەملەكەتتىك قىزمەت تۋرالى جاڭا زاڭ جوباسى كۇشىنە ەندى. ەتيكا كودەكسى مەملەكەتتىك اكىمشىلىك لاۋازىمداعى تۇلعالاردىڭ جۇمىس ءتارتىبى مەن ءجۇرىپ-تۇرۋ ادەبىن رەتتەيدى. جاڭا ەرەجە بويىنشا مەملەكەتتىك قىزمەتكەرلەر ەشقانداي سىي-سياپات الا المايدى. قوعامدىق ورىنداردا ىشىمدىك ىشكەن ازاماتتار دا جۇمىستان شەتتەتىلەدى. مەملەكەتتىك قىزمەت ىستەرى ءمينيسترىنىڭ ورىنباسارى ايگۇل شايموۆانىڭ ايتۋىنشا، كولىكتى ماس كۇيىندە باسقارعان بىرنەشە اۋداندىق دەڭگەيدەگى باسشىلار قىزمەتتەن ايىرىلعان.
ايگۇل شايموۆا، ق ر مەملەكەتتىك قىزمەت ىستەر جونىڭدەگى ءمينيسترىنىڭ ورىنباسارى:
- مەملەكەتتىك قىزمەتكەرلەر جۇمىستان تىس ۋاقىتتا دا قازاقستاندىقتارعا ۇلگى بولا ءبىلۋ كەرەك. قوعامدىق ورىنداردا ماس كۇيىندە كورىنۋ نە وزگە دە ار-ۇيات پەن نامىس، قوعامدىق قۇندىلىقتارعا نۇقسان كەلتىرەتىن ارەكەتتەرگە جول بەرۋلەرىنە تىيىم سالىنادى. زاڭعا قايشى كەلەتىن، ءتارتىپ مەن قاۋىپسىزدىكتى بۇزاتىن بارلىق امالدار تارتىپتىك جاۋاپكەرشىلىكپەن قۋدالانادى. مۇندايعا جول بەرگەندەر قىزمەتىمەن قوش ايتىساتىنىن بىلۋلەرى ءتيىس.
www.24.kz
