11:51, 24 - ماۋسىم 2016 | GMT +5
ەلوردانىڭ تۋعان كۇنىنە «مۋزارت» توبى مەرەكەلىك كونسەرت تارتۋ ەتەدى
استانا. قازاقپارات - ەلوردا كۇنىنە وراي حالىق تاعاتسىز كۇتەتىن شارالاردىڭ ءبىرى بارشا قازاقستاندىقتاردىڭ سۇيىكتى «مۋزارت» توبىنىڭ كونسەرتى بولماق.
كەڭىنەن تانىمال تريو ءوز تابىنۋشىلارىن ادەمى اندەرىمەن 15 جىلدان بەرى قۋانتىپ كەلەدى، الداعى كونسەرت تە اتالمىش مەرەيتويلىق داتاعا ورايلاستىرىلماق، دەپ حابارلايدى استانانىڭ مادەنيەت باسقارماسى.
ارتىستەردىڭ ايتۋىنشا، استانادا ۇلكەن كونسەرت وتكىزۋ - ولاردىڭ كوپتەن بەرگى ارمانى، ەلوردا تۇرعىندارى مەن قوناقتارى دا بۇل وقيعانى تاعاتسىز كۇتۋدە. 8- شىلدەدە «مۋزارت» توبى «قازاقستان» و ك ز- دا ەكى رەت كونسەرت بەرەدى. ساكەن مايعازيەۆ، مەيرامبەك بەسپايەۆ پەن كەنجەبەك ءجانابىلوۆ وزدەرىنىڭ ۇزدىك اندەرىن ديريجەرلەر الەكساندر بەلياكوۆپەن جانە الەكساندر ابىلايەۆپەن، كومپوزيتور ءارى پروديۋسەر رينات عايسينمەن، «استانا» ەسترادالىق-سيمفونيالىق وركەسترىمەن ورىندايدى.
