پرەمەر- مينيستر ك. ءماسىموۆ ق ر ۇكىمەتىنە ءبىرقاتار تاپسىرمالار بەردى

استانا. قازاقپارات - بۇگىن ۇكىمەت ۇيىندە قازاقستاننىڭ پرەمەر- ءمينيسترى كارىم ءماسىموۆ ق ر ۇكىمەتىنىڭ سەلەكتورلىق رەجىمدەگى كەزەكتى وتىرىسىن وتكىزدى.

بۇل تۋرالى primeminister.kz سايتىندا حابارلاندى.

كۇن ءتارتىبىن قاراماس بۇرىن ك. ءماسىموۆ بىرنەشە وزەكتى ماسەلەگە نازار اۋداردى. اتاپ ايتقاندا، مادەنيەت جانە سپورت مينيسترلىگىنە ۇلتتىق وليمپيادا كوميتەتىمەن بىرگە ەلىمىزدىڭ قۇراماسىن الداعى ريو- دە- جانەيرودا وتەتىن وليمپيادا ويىندارىنا دايىندىعى ماسەلەسىن پىسىقتاۋ تاپسىرىلدى.

«ءبىزدىڭ سپورتشىلار وسى سىناقتان سۇرىنبەي ءوتۋى ءۇشىن بارلىعىن جاساۋىمىز قاجەت»، - دەپ اتاپ ءوتتى ك. ءماسىموۆ جانە دوپينگ- تەستتەر وتكىزۋ ءۇشىن زاماناۋي زەرتحانالار ساتىپ الۋعا قاراجات قاراستىرۋدى تاپسىردى.

سونداي- اق كارىم ءماسىموۆ وڭتۇستىك قازاقستان جانە جامبىل وبلىستارىنداعى شەگىرتكەنىڭ تارالۋىنا بايلانىستى جاعدايدى سىنعا الدى.

ءوز كەزەگىندە، ۆيتسە- پرەمەر - اۋىل شارۋاشىلىعى ءمينيسترى اسقار مىرزاحمەتوۆ وڭتۇستىكتە جاندىكتەردىڭ پايدا بولۋى تابيعي قۇبىلىسقا جانە القاپتاردى وڭدەۋ ۋاقتىلى جۇرگىزىلمەۋىنە بايلانىستى ەكەنىن ءتۇسىندىردى. «بيىل قىس مەرزىمى جىلى بولدى جانە كوكتەم ەرتە كەلدى. وسى رەتتە شەگىرتكە تۇقىمداستارى 15-20 كۇنگە ەرتە جەتىلدى. سوندىقتان بۇل فاكتوردى ەسكەرمەگەننەن كەيىن، بۇل باعىتتا جاسالاتىن قىزمەتتەرگە كونكۋرستار دەر كەزىندە وتكىزىلمەدى»، - دەپ ءتۇسىندىردى ۆيتسە- پرەمەر.

ۇكىمەت باسشىسى اۋىل شارۋاشىلىعى زيانكەستەرىمەن كۇرەس بويىنشا شارالار قابىلداپ، قالىپتاسقان جاعدايعا جاۋاپتىلاردى جازالاۋدى تاپسىردى.

بۇدان وزگە، ۆيدەوسەلەكتور ارقىلى ك. ءماسىموۆ الماتى اكىمى باۋىرجان بايبەككە جاقىندا جاۋعان جاۋىننىڭ ناتيجەسىندە قالانى سۋ باسۋىنا قاتىستى جۇمىستاعى كەمشىلىكتەردى اتاپ كورسەتتى.

ب. بايبەكتىڭ مالىمەتىنشە، اقپان مەن ناۋرىز ارالىعىندا كوممۋنالدىق قىزمەتتەر جالپى ۇزىندىعى 188 كم بولاتىن وزەندەردى، ارنالار مەن ارىق جەلىلەرىن تازالاعان. 5 مىڭنان استام تەكشە مەتر قار، 17 مىڭنان استام تەكشە مەتر قاتتى تۇرمىستىق قالدىق شىعارعان. سونىمەن قاتار، تەك مامىر ايىندا ورتاشا نورما - 108 م م كەزىندە 200 م م جاۋىن- شاشىن ءتۇستى، ياعني نورمادان ەكى ەسەگە اسىپ تۇسكەن، ال 17 -ماۋسىمدا ايلىق نورما - 60 م م كەزىندە 3 ساعاتتىڭ ىشىندە 47 م م، ال تاۋلى جەرلەردە 57 م م دەيىن جاۋىن- شاشىن جاۋعان.

«سوڭعى رەت مۇنداي جالپى نورمادان اۋىتقىعان جاعداي 1957 -جىلى بولدى، ول كەزدە 64,8 ميلليمەتر جاۋىن- شاشىن ءتۇستى. سول سەبەپتى 17 ماۋسىمدا قالا اۋماعىندا 94 سۋ باسۋ وقيعاسى ورىن الدى»، - دەدى جۇرگىزىلگەن جۇمىس ناتيجەسىندە كەشكە قاراي سۋ باسقان نەگىزگى جەرلەر تازالانىپ، تاڭعا قاراي جالپى قالا بويىنشا بارلىق جۇمىستار اياقتالعانىن ايتىپ وتكەن الماتى اكىمى.

«تاياۋ ارادا سىزدەرگە بارۋدى جوسپارلاپ وتىرمىن. ءسىزدىڭ جاڭاعى ايتقاندارىڭىزدى ءوز كوزىممەن كورىپ شىققىم كەلەدى»، - دەدى اتالعان ماسەلەنى باقىلاۋدا ۇستاۋدى تاپسىرعان ۇكىمەت باسشىسى.

كۇن ءتارتىبىن قاراۋ اياسىندا ق ر ۇلتتىق ەكونوميكا ءمينيسترى قۋاندىق بيشىمبايەۆ مەملەكەت باسشىسىنىڭ تاپسىرماسىمەن جاسالعان 2016-2017 -جىلدارى ەكونوميكالىق ءوسىمدى ىنتالاندىرۋ جانە جۇمىسپەن قامتاماسىز ەتۋ بويىنشا قوسىمشا شارالار جوسپارىن تانىستىردى.

ونىڭ ايتۋىنشا، اعىمداعى جىلدىڭ سوڭىنا قاراي ەكونوميكانىڭ وڭ ءوسىمىن قامتاماسىز ەتۋ ءۇشىن ءۇش باعىت بويىنشا سايكەس شارالار قالىپتاستىرىلعان. ءبىرىنشى باعىت اياسىندا ءوندىرۋ كولەمىن ارتتىرۋ جانە مۇنايدى قايتا وڭدەۋ، كومىر ءوندىرۋ، «س س ت ب و» ا ق تەمىر كەنىن قىتاي مەن رەسەيگە جەتكىزۋ، وتاندىق كاسىپورىنداردى جۇكتەۋدى جانە جۇمىسپەن قامتۋدى ساقتاۋ بويىنشا شارالار قاراستىرىلعان.

ەكىنشى باعىت «نۇرلى جول» مەملەكەتتىك باعدارلاماسى جانە 2016 -جىلعى داعدارىسقا قارسى قوسىمشا شارالارى جوسپارى اياسىندا جوسپارلانعان قاراجاتتى پايدالانۋدىڭ تيىمدىلىگىن ارتتىرۋعا باعىتتالعان. سونىمەن، 155 ميلليارد تەڭگە سوماسىنداعى ۋاقىتشا ەركىن قاراجات اينالىم كاپيتالىن، «بايتەرەك» ۇ ب ح» ا ق ارقىلى وڭدەۋ ونەركاسىبىن ەكسپورت الدى جانە ەكسپورتتىق نەسيەلەۋدى قارجىلاندىرۋعا باعىتتالادى، دەدى ۇلتتىق ەكونوميكا مينيسترلىگىنىڭ باسشىسى.

«ەكونوميكانىڭ وسىمىنە جىلدام اسەر ەتۋ ءۇشىن اعىمداعى جىلدىڭ ەكىنشى جارتىجىلدىعىندا ىشكى سۇرانىستى ىنتالاندىرۋعا ق ر ۇكىمەتىنىڭ ارنايى رەزەرۆى ەسەبىنەن 91,5 ميلليارد تەڭگە باعىتتالاتىن بولادى»، - دەدى ق. بيشىمبايەۆ. اتالعان قاراجات ت ك ش نىساندارىن اعىمداعى جوندەۋگە، اۋىلدارداعى، اۋىل وكرۋتەرىندەگى، اۋداندىق ماڭىزداعى قالالاردىڭ ينفراقۇرىلىمىنا جانە كورىكتەندىرۋگە؛ ج ت ق ارناپ ينفراقۇرىلىم جۇرگىزۋگە؛ «ب ج ك-2020» باعدارلاماسى اياسىندا بيزنەس جوبالارىنا ينفراقۇرىلىم جۇرگىزۋگە؛ اۋىلدى ەلدى مەكەندەردى كەڭ جولاقتى ينتەرنەت جەلىسىمەن قامتاماسىز ەتۋ بويىنشا جوبانى جۇزەگە اسىرۋعا، سونداي- اق باسقا دا ءىس- شارالارعا باعىتتالادى.

جوسپاردىڭ ءۇشىنشى باعىتى - «نۇرلى جول» مەملەكەتتىك باعدارلاماسى اياسىندا ينفراقۇرىلىمدىق جوبالاردى جانە ەكونوميكانىڭ باسىمدىقتى سالالارىنداعى ينۆەستيتسيالىق جوبالاردى جۇزەگە اسىرۋدى جەدەلدەتۋ.

«بولجانعان شارالاردى ەسكەرە وتىرىپ، اعىمداعى جىلدىڭ ماۋسىم- شىلدەسىندە ەكونوميكا وڭ ايماققا شىعادى، ال 2016 -جىلدىڭ قورىتىندىسى بويىنشا ءوسىمنىڭ جوسپارلانعان دەڭگەيىنە شىعادى دەپ كۇتىلۋدە»، - دەپ تۇيىندەدى ق. بيشىمبايەۆ.

يندۋستريالدى- يننوۆاتسيالىق دامىتۋ مەملەكەتتىك باعدارلاماسىن جۇزەگە اسىرۋ جانە جانداندىرۋ ماسەلەسى بويىنشا ينۆەستيتسيالار جانە دامۋ ءمينيسترى اسەت يسەكەشەۆ مالىمدەدى.

«6 جىلدا يندۋستريالاندىرۋ كارتاسى بويىنشا 898 جوبا پايدالانۋعا بەرىلدى، ونىڭ ىشىندە 2015 -جىلى 128 جوبا. ولاردىڭ %80 ى جاڭادان قۇرىلعان ءوندىرىس جوبالارى بولسا، قالعان %20 ى جۇمىس ىستەپ تۇرعان كاسىپورىنداردى جاڭعىرتۋ مەن كەڭەيتۋگە باعىتتالعان. 2015 -جىلعى ج ءى ءو ءوسىمىنىڭ ۇشتەن ءبىرى كارتا جوبالارىنىڭ ەسەبىنەن الىندى»، - دەدى ءا. يسەكەشەۆ.

ونىڭ ايتۋىنشا، جالپى يندۋستريالاندىرۋ كارتاسىنىڭ جوبالار ارقىلى بۇرىن قازاقستاندا وندىرىلمەگەن ءونىمنىڭ 500 ءتۇرى شىعارىلعان. ەنگىزىلگەن جوبالاردىڭ %70 تۇراقتى جۇكتەمەگە يە، 74 جوبا تومەن جۇكتەمەدە جۇمىس ىستەۋدە، 21 جوبا توقتاپ تۇر.

«2016 -جىلى 120 جوبانى ەنگىزۋ جوسپارلانعان. جالپى يندۋستريالاندىرۋ باعدارلاماسى ەكونوميكادا تۇراقتاندىرۋشى ءرول اتقاردى. ەگەر 2010-2014 -جىلدارى يندۋستريالاندىرۋ كارتاسىنىڭ جوبالارى بارلىق ونەركاسىپ ءوندىرىسىنىڭ %10 ىن بەرسە، داعدارىستىڭ كۇشەيۋىمەن بۇل جوبالار تۇراقتىلىعىن كورسەتىپ وتىر. 2016 -جىلدىڭ 1 -توقسانىنىڭ قورتىندىسى بويىنشا بۇل جوبالار وندىرەتىن بارلىق ءونىمنىڭ %20 ىن بەرىپ ۇلگەردى»، - ەپ باسا ايتتى ي د م باسشىسى.

تالقىلاۋ قورىتىندىسىن جاساعان پرەمەر- مينيستر قازاقستاندى ودان ءارى دامىتۋداعى ي ي د م ب- نىڭ ماڭىزدى ءرولىن اتاپ ءوتتى.

«وسى باعدارلامانىڭ كومەگىمەن، اسىرەسە بەس ينستيتۋتسيونالدى رەفورما مەن 100 ناقتى قادامنىڭ كومەگىمەن ءبىز ءقازىر تۇرعان جولاقتان ءوتۋىمىز كەرەك. بۇل كاسىپورىندار سالۋعا قاتىستى ماسەلە ەمەس، بۇل پرەزيدەنت ايتقان ءبىزدىڭ ودان ءارى دامۋىمىزدىڭ فيلوسوفياسى ماسەلەسى. بۇل زور زياتكەرلىك جانە ۇيىمداستىرۋ كۇشتەرىن تالاپ ەتەدى، الايدا ونى ىسكە اسىرۋ ءسىز بەن ءبىزدىڭ قولىمىزدان كەلەتىنىنە سەنىمدىمىن»، - دەپ تۇيىندەدى ك. ءماسىموۆ.