10:59, 21 - ماۋسىم 2016 | GMT +5
قاسىم-جومارت توقايەۆ: قانداي جاعداي بولسا دا، يلين ءبىزدىڭ قولداۋىمىزعا لايىق
استانا. قازاقپارات - قازاقستان نامىسىن الەمدىك ارەنادا ابىرويمەن قورعاپ جۇرگەن يليا يليننىڭ باسى داۋعا قالدى.
حالىقارالىق اۋىر اتلەتيكا فەدەراتسياسى سپورتشىنىڭ 2008 جانە 2012-جىلعى وليمپيادالاردا دوپينگ قابىلداعانىن جاريا ەتتى.
يليا مەن ونىڭ كوماندالاستارى ءۇشىن ناقتى شەشىم 27- ماۋسىمدا بەلگىلى بولادى. ال قازاقستان پارلامەنتى سەناتىنىڭ ءتوراعاسى قاسىم- جومارت توقايەۆ تۆيتتەردەگى پاراقشاسىندا ايگىلى سپورتشىعا قولداۋ كورسەتتى.
«اۋىر اتلەت يليا يلينگە قاتىستى قانداي شەشىم قابىلدانسا دا، ول ايگىلى سپورتشى جانە قازاقستاننىڭ پاتريوتى رەتىندە ءبىزدىڭ قولداۋىمىزعا لايىق»، - دەپ جازادى سەنات ءتوراعاسى.
ەسكە سالا كەتەيىك، دوپينگپەن ۇستالعان يليا يليننىڭ ريو وليمپياداسىنا قاتىسۋ-قاتىسپاۋى بەلگىسىز. ب ا ق يليندى 2 جىلعا سپورتتان شەتتەتۋى مۇمكىن ەكەنىن جازۋدا.
