ق ح ر گانسۋ پروۆينتسياسىنىڭ اقساي-قازاق اۆتونوميالىق ۋەزىندە توعىزقۇمالاق ۇيىرمەسى اشىلدى - فوتو
بۇل تۋرالى اتالعان ءوڭىردىڭ «ارمانتاۋ» مادەني سەرىكتەستىگىنىڭ جەتەكشىسى مارقابا مالىك ۇلى قازاقپاراتتىڭ قىتايداعى تىلشىسىنە بەرگەن سۇحباتىندا حابارلادى.
«16- ماۋسىمدا اقساي-قازاق اۆتونوميالىق اۋدانىندا «ارمانتاۋ» (www.armantaw.com) مادەني سەرىكتەستىگى مەن اۋداندىق مادەنيەت جانە دەنە تاربيەسى ورتالىعى بىرلەسىپ قازاقتىڭ ۇلتتىق زياتكەرلىك ويىنىن ۇيرەتە باستادى. بالالاردى توعىزقۇمالاققا باۋلۋ قىتايدا كەڭ تارالعان WeChat الەۋمەتتىك جەلىسىندە دە ناسيحاتتالىپ، جۇرگىزىلىپ جاتىر»، - دەدى ول.
مارقابا مالىك ۇلىنىڭ ايتۋىنشا، اقساي-قازاق اۆتونوميالىق اۋدانىنىڭ بالالارى شىڭجاڭدا توعىزقۇمالاقتان وتكىزىلگەن جارىستاردا الدىڭعى ورىنداردا كورىنىپ ءجۇر. كەلەشەكتە باسقا دا ۇلتتىق ويىندار (اسىق اتۋ، حان دويبىسى، داريا ت. ب.) ۇيىرمەلەرىن اشۋدى جوسپارلاپ وتىر.
ايتا كەتەيىك، رەسمي دەرەك بويىنشا ق ح ر گانسۋ پروۆينتسياسىنىڭ اقساي-قازاق اۆتونوميالىق ۋەزىندە ءۇش مىڭداي، ال شىڭجاڭ-ۇيعىر اۆتونوميالىق اۋدانىندا - ءبىر ميلليوننان استام قازاق تۇرادى.
