ە. ىدىرىسوۆ قازاقستاندا سالافيزمگە تىيىم سالۋ ماسەلەسىنە قاتىستى ويىن ءبىلدىردى
«بۇل ماسەلە مەملەكەت باسشىسىنىڭ توراعالىعىمەن وتكەن قاۋىپسىزدىك كەڭەسىنىڭ وتىرىسىندا دا قارالدى. قۇقىق قورعاۋ جانە وزگە دە ورگانداردىڭ وتىرىستارىندا كوتەرىلدى. بۇل جەردە تەوريالىق ءدىني اعىم مەن پراكتيكالىق ءدىني اعىمنىڭ اراجىگىن اجىراتىپ الۋ كەرەك. ءبىزدىڭ ەلىمىزدە دىنگە قىسپاق جوق، ءبىر ءدىندى كەمسىتۋ جوق. ءبىراق، مەملەكەتىمىزدىڭ تاعى ءبىر ءپرينتسيپى قوعامدىق قاۋىپسىزدىكتى ساقتاۋ. اقتوبەدەگى تراگەديا وسى قاۋىپسىزدىك ماسەلەسىن قايتا كوتەردى. ارينە، ءبىراز مەملەكەتتەر سالافيزم اعىنىندا وزدەرىنىڭ تەوريالىق ءدىني كوزقاراستارىن ساقتاپ كەلەدى. ءبىز وعان تۇسىنىستىكپەن قارايمىز. ءبىراق، ءبىز ءوز ەلىمىزدە ءوزىمىزدىڭ ۇستانعان ساياساتتىڭ قادامدارىمەن ءجۇرۋىمىز كەرەك. ەگەر دە ءدىننىڭ اتىن جامىلىپ، اقتوبەدەگى سياقتى ويىنا كەلگەنىن ىستەسە، مەملەكەت ءتيىستى شارانى قولعا الادى. الەم بويىنشا يسلامنىڭ اتىن جامىلعاندار كوپ. ءبىراق، ولاردىڭ ىستەگەنى مەن ايتقانى يسلامعا جات دۇنيەلەر»، - دەدى ە. ىدىرىسوۆ.
اۆتور: كەنجەكەي توقتامۇرات قىزى
