انكارادا قازاقستاننىڭ تۇركياداعى كۇندەرى ءوتىپ جاتىر
ونى اتالعان ەلدەگى قازاقستان ەلشىلىگى ەل تاۋەلسىزدىگىنىڭ 25 جىلدىعىنا وراي قالانىڭ كەچيورەن اۋدانى مۋنيتسيپاليتەتىمەن بىرلەسىپ ۇيىمداستىردى.
وسىعان بايلانىستى، الماتى وبلىسى اكىمدىگىنىڭ جانە اۋداندارىنىڭ باسشىلىعى مەن حالىقتىق-فولكلورلىق جانرداعى ارتىستەردەن تۇراتىن دەلەگاتسيا انكاراعا باردى.
تۇركياداعى ساپارىنىڭ ءبىرىنشى كۇنىندە قازاقستاندىق دەلەگاتسيا انكارادا ورنالاسقان ق ر تۇڭعىش پرەزيدەنتى ن. نازاربايەۆ مونۋمەنتى مەن م. ك. اتاتۇرىك مازارىنا باردى.
وتاندىق ارتىستەر «انتارەز» ءىرى ساۋدا ورتالىعىندا ءوز كونسەرتتىك باعدارلاماسىن ۇسىندى. كاسىبي شەبەرلىكتەرىن «ادىرنا» فولكلورلىق ءانسامبلىنىڭ اسپاپشىلارى، «التىناي» حالىقتىق ءبي مەملەكەتتىك ءانسامبلىنىڭ ارتىستەرى كورسەتتى.
بۇگىن انكاراداعى ساياباقتا ءسۇيىنباي ارون ۇلىنا ارنالعان ءمۇسىننىڭ اشىلۋى، جامبىل جابايەۆتىڭ 170 جىلدىعىنا ارنالعان كونفەرەنتسيا مەن كونسەرتتىك باعدارلاما ۇيىمداستىرۋ جوسپارلانعان.
