الدار كوسە كومپيۋتەرلىك ويىننىڭ باستى كەيىپكەرىنە اينالدى - كەسكىن
ويىننىڭ نەگىزگى ەرەجەسى - ءتۇرلى كەدەرگىلەردى باعىندىرىپ وتىرۋ. جالپى ول بەس كەزەڭنەن تۇرادى. ويىنشىنىڭ ماقساتى - الدار كوسەنى جولدا كەزدەسكەن قيىندىقتاردان الىپ شىعىپ، حانعا جەتكىزۋ. سوڭعى مەجە حانشايىمعا ۇيلەنۋ، ول - ويىنشىنىڭ جەڭىسىن بىلدىرەدى. قازىر ماماندار ونى تاعى دا جەتىلدىرۋمەن اينالىسىپ جاتىر. جوبا اۆتورلارىنىڭ ايتۋىنشا، ويىننىڭ كەم- كەتىگى تولىقتىرىلعان سوڭ، ونلاين رەجيمدە قولجەتىمدى بولادى.
«نەگىزى بۇل جەردە ۋاقىتقا شەكتەۋ جوق. بارلىعى وزىڭىزگە بايلانىستى، تەز قوزعالىپ، تەز وتۋگە بولادى. ءبىر ويىندى وتسەڭىز، كەلەسى كەزەڭگە اۋىساسىز. ولار اينالىپ، وزگەرىپ وتىرادى. قولدانۋشىنى جالىقتىرماۋ ماقساتىندا وزگەرىپ وتىرۋعا تىرىستىق. بۇل جەردە مىناداي پرينتسيپ بار - ويىننىڭ ىشىندە ءاربىر كەيىپكەرگە بارعاندا تاعى ءبىر ىشكى ويىن اشىلادى»، - دەدى جوبا اۆتورى ۇلان اسانوۆ.
