جۇمىرتقا ماسكاسى: تەرىنى تازالايدى، تارتادى، جۇمسارتادى

استانا. قازاقپارات - جاستىق پەن تەرى ساۋلىعىن ءاردايىم باقىلاۋدا ۇستاۋ ءۇشىن ءتۇرلى ماسكالار جاساپ تۇرۋدىڭ ماڭىزى مول.

ال جۇمىرتقادان جاسالاتىن بۇل ماسكا بەت تەرىسىن تازالايدى، جۇمسارتادى، نارلەندىرەدى جانە تارتىپ تۇرادى. سونىمەن قاتار ەڭ ارزان، قولجەتىمدى ماسكا بولىپ ەسەپتەلەدى. ويتكەنى سىزگە كەرەگى تەك جۇمىرتقا عانا، دەپ جازادى anabol.kz.

جۇمىرتقانىڭ اعى تەرىنى تازالاپ، تارتىپ تۇراتىن بولسا، سارىسىندا تەرىنىڭ سىرتقى قاباتىن تەرەڭنەن تازالاپ، جۇمسارتىپ تۇراتىن لەتسيتين كوپ مولشەردە كەزدەسەدى. سونداي- اق جۇمىرتقانىڭ قۇرامىنداعى ا، د، ۆ دارۋمەندەرى تەرىنىڭ جاس قالپىن ساقتاۋعا سەپتىگىن تيگىزەدى. سوندىقتان دا جۇمىرتقا ماسكاسىن كەز كەلگەن جاستاعى قىز- كەلىنشەكتەردىڭ جاساۋىنا بولادى.

سىزگە كەرەگى:

1 جۇمىرتقا

قاعاز مايلىق (سالفەتكا)

شانىشقى

2 ىدىس

جاسالۋى:

جۇمىرتقانىڭ اعى مەن سارىسىن ءبولىپ الىڭىز.

اعىن ازداپ ارالاستىرىپ، بەتىڭىزگە جاعىپ، ونىڭ سىرتىنان قاعاز مايلىقتى قاجەت مولشەردە كەسىپ، جابىستىرىڭىز. ودان كەيىن بەتىڭىزگە جابىسىپ تۇرعان قاعازداردىڭ سىرتىنان تاعى ءبىر رەت جۇمىرتقانىڭ اعىن جاعۋ كەرەك. ءبىراق تىم كوپ جاعۋدىڭ قاجەتى جوق.

جۇمىرتقا جاقسىلاپ كەپكەن سوڭ، ياعني 20-30 مينۋتتان كەيىن ماسكانى تومەن، ياعني يەك جاعىڭىزدان باستاپ، جوعارى، ماڭدايعا قاراي ەپپەن تارتا وتىرىپ، الىپ تاستاڭىز. ماسكانى الىپ جاتقاندا ازداپ اۋىرۋ سەزىمى بولۋى مۇمكىن. دەگەنمەن، جۇمىرتقا ماسكاسىنىڭ ناتيجەسىن كورگەندە- اق ول تۋرالى ۇمىتىپ تا كەتەسىز!

ماسكانى العاننان كەيىن باعانا ءبولىپ قويعان جۇمىرتقانىڭ سارىسىن ارالاستىرىپ، بەتىڭىزگە جاعىڭىز. ال ونىڭ كۇشى الدەقايدا ارتتىرۋ ءۇشىن وعان بىرنەشە تامشى ءزايتۇن نەمەسە كوكوس مايىن قوسۋعا بولادى.

10 مينۋتتان كەيىن بەتىڭىزدەگى جۇمىرتقانىڭ سارىسىن جىلى سۋمەن جۋىپ تاستاڭىز.

ەگەر بەت تەرىسى قۇرعاق بولسا، دەرەۋ نارلەندىرەتىن كرەم جاققانىڭىز ءجون.

مۇنداي ماسكانى اپتاسىنا 2 رەت جاساپ تۇرعان ارتىق بولمايدى.