20:46, 17 - ماۋسىم 2016 | GMT +5
ن. نازاربايەۆ قازاقستاندى ايەل ادام باسقارۋى مۇمكىن ەكەنىن ايتتى
استانا. قازاقپارات - سانكت- پەتەربۋرگ حالىقارالىق ەكونوميكالىق فورۋمىندا سويلەگەن سوزىندە قازاقستان پرەزيدەنتى نۇرسۇلتان نازاربايەۆ «لايىقتى ايەلدەر بار» ەكەنىن ەسكەرە وتىرىپ، ەل پرەزيدەنتتىگىنە ايەل ادامدى سايلاۋعا بولاتىنىن ايتتى، دەپ حابارلادى ريا نوۆوستي.
«قازاقستاندا نەگە ايەل ادام پرەزيدەنت بولا المايدى دەپ ويلايسىزدار. ابدەن بولۋى مۇمكىن. قازاقستاننىڭ 51 پايىزى ايەلدەر، گەندەرلىك ساياسات قالىپتى دامۋ ۇستىندە، پارلامەنت دەپۋتاتتارىنىڭ 30 پايىزى ايەلدەر. ۇكىمەت قۇرامىندا بىرنەشە مينيستر ايەل جۇمىس جاساپ جاتىر. سوندىقتان بۇل مۇمكىن نارسە، ءارى پرەزيدەنت بولۋعا دايىن ايەلدەر بار» ، - دەدى ول «قازاقستاندى ءبىر كۇندەرى ايەل پرەزيدەنت باسقارۋى مۇمكىن بە؟ » دەگەن سۇراققا جاۋاپ بەرە وتىرىپ.
ر ف پرەزيدەنتى ۆلاديمير پۋتين «كەيبىرىمەن تانىس» ەكەنىن ايتتى. وعان جاۋاپ رەتىندە ن. نازاربايەۆ ءۇش قىزى بولعاندىقتان، ايەلدەرگە ەرەكشە قۇرمەتپەن قارايتىنىن ازىلمەن جەتكىزدى.
