15:53, 17 - ماۋسىم 2016 | GMT +5
ق ر قورعانىس مينيسترلىگى استانا اۋەجايىنداعى وقيعاعا قاتىستى مالىمدەمە جاسادى - فوتو
استانا. قازاقپارات - ق ر قورعانىس مينيسترلىگى 2016-جىلى 16- ماۋسىمدا استانا اۋەجايىندا ورىن العان وقيعاعا قاتىستى رەسمي مالىمدەمە جاسادى.
الدىن الا بولجام بويىنشا، وقيعا جولاقتا بولعان بوگدە زات سالدارىنان ورىن الدى. ۇشاق شتاتتى رەجيمدە قوندى. قونعاننان كەيىن ۇشاق 1700 مەتر دوڭعالاقپەن ءجۇرىپ ءوتتى. سودان كەيىن سول جاقتاعى شاسسيدەگى ءتورت پنيەۆماتيكالىق دوڭعالاقتىڭ ەكەۋى جارىلدى.
دوڭعالاقتار جاڭا بولاتىن. ونى ياروسلاۆ دوڭعالاق زاۋىتى جاساعان.
اۋەجايدا قۇرىلىس جۇمىستارى ءجۇرىپ جاتىر. جولاقتا بوگدە زاتتىڭ بولۋىنا وسى جايت تا اسەر ەتۋى مۇمكىن. اتالعان فاكت بويىنشا تەرگەۋ امالدارى جۇرگىزىلىپ جاتىر.
ەسكە سالا كەتەيىك، كەشە استانا اۋەجايىنا قونۋ كەزىندە اسكەري ۇشاق شاسسيىنىڭ ەكى دوڭگەلەگى جارىلدى.
