قاشاعاننان كۇزدە مۇناي ءوندىرۋ جاۋاپكەرشىلىگىن ءوز موينىما الامىن - ق. بوزىمبايەۆ
بۇل تۋرالى ول بۇگىن ق ر پارلامەنتى پالاتالارىنىڭ بىرلەسكەن وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرگەن كەزىندە ايتتى.
ب ا ق وكىلدەرىنىڭ «قاشاعان مۇناي ءوندىرۋ قازان ايىنان كەشىكتىرىلسە كىم جاۋاپتى بولماق؟»، دەگەن ساۋالىنا جاۋاپ بەرگەن ول: «ءبىز جاۋاپتى بولامىز، ينۆەستورلار جاۋاپتى بولادى. ويتكەنى بىزدە ينۆەستورلارمەن كەلىسىمشارتتار بار. وندا ەكىجاقتى جاۋاپكەرشىلىك قاراستىرىلعان. ماعان پرەمەر- مينيستر تىكەلەي تاپسىرما بەردى. ناقتى جاۋاپكەرشىلىكتى ءوز موينىما الامىن»، - دەدى.
ايتا كەتەرلىگى، وسى اپتادا وتكەن ۇكىمەت وتىرىسىندا ق ر پرەمەر- ءمينيسترى كارىم ءماسىموۆ اعىمداعى جىلدىڭ قازانىندا «قاشاعاندا» مۇناي ءوندىرۋدى باستاۋدى قامتاماسىز ەتۋدى تاپسىرعان بولاتىن.
«وسىنىڭ اينالاسىندا بارلىق قاجەتتى كەلىسسوزدەر جۇرگىزىلىپ، ءتيىستى نورماتيۆتىك شەشىمدەر قابىلداندى. سوندىقتان «قاشاعان» ىسكە قوسىلۋى ءۇشىن سىزدەر كونسورتسيۋممەن بىرلەسە وسى جۇمىستاردى اياعىنا دەيىن جەتكىزۋلەرىڭىز كەرەك»، - دەگەن ەدى ۇكىمەت باسشىسى ق ر ەنەرگەتيكا مينيسترىنە.
اۆتور: مارلان جيەمباي
