ك. ءماسىموۆ: حالىقتى ءبىرىنشى كەزەكتە قاۋىپسىزدىك تولعاندىرىپ وتىر

استانا. قازاقپارات - حالىقتى ءبىرىنشى كەزەكتە قاۋىپسىزدىك تولعاندىرىپ وتىر، ءبىز وسى باعىتتاعى جۇمىستى كۇشەيتەتىن بولامىز.

بۇگىن ق ر پارلامەنت پالاتالارىنىڭ بىرلەسكەن وتىرىسى بارىسىندا ق ر ۇكىمەتىنىڭ 2015 -جىلعى رەسپۋبليكالىق بيۋدجەتتىڭ اتقارىلۋى تۋرالى ەسەبىن تالقىلاۋ بارىسىندا ق ر پرەمەر-ءمينيسترى كارىم ءماسىموۆ وسىلاي ءمالىم ەتتى.

«بۇگىنگى مۇمكىندىكتى پايدالانا وتىرىپ، ەلباسىنىڭ تاپسىرماسى بويىنشا اقتوبە وبلىسىنا ساپارىما توقتالا كەتكىم كەلەدى. مەنىڭ ويىمشا، بۇگىنگى كۇنى حالىقتى ەڭ ءبىرىنشى كەزەكتە قاۋىپسىزدىك ماسەلەسى تولعاندىرادى. بۇعان دەيىن، حالىق نەگىزىنەن باسپانا ماسەلەسىنە، سۋعا، گازعا قاتىستى تاريفتەرگە، ازىق- تۇلىك ماسەلەسىنە نازار اۋدارىپ كەلسە، قازىر جۇرتتى ەلدىڭ ىشكى قاۋىپسىزدىگى تولعاندىراتىنى انىق ءبىلىنىپ وتىر»، - دەدى ك. ءماسىموۆ.

وسىعان وراي، ۇكىمەت باسشىسى ەلباسىنىڭ تاپسىرماسىنا سايكەس، جۇمىس توبى قۇرىلعانىن اتاپ ءوتتى. «الداعى ۋاقىتتا ءبىز ارناۋلى ورگاندار مەن قۇقىق قورعاۋ ورگاندارىنىڭ مۇمكىندىكتەرىن تولىق قامتاماسىز ەتۋ باعىتىندا زاڭنامالىق جانە ءبىرقاتار رەسۋرستىق وزگەرىستەر بويىنشا پارلامەنتكە كەلەتىن بولامىز. قازاقستان ازاماتتارى وزدەرىنىڭ ءومىرى مەملەكەت تاراپىنان قورعالاتىنىنا سەنىمدى بولۋى كەرەك. ءبىز وسىنى قامتاماسىز ەتەتىن بولامىز»، دەدى ك. ءماسىموۆ.

اۆتور: قانات مامەتقازى ۇلى