الماتىدا اۋعان سوعىسىنىڭ ارداگەرى، وتستاۆكاداعى گەنەرال-مايور مۇرات قالماتايەۆ دۇنيە سالدى
«مۇرات دۇيسەنبى ۇلى بۇگىن ساعات 11.00 دە اۋرۋحانادا اۋىر سىرقاتتان كەيىن قايتىس بولدى. ەندى، اقتىق ساپارعا شىعارىپ سالۋ ءراسىمى سەنبى كۇنى، ياعني 18 -ماۋسىم كۇنى تاڭعى ساعات 09:00-دەن 11:00 ارالىعىندا ارميا ۇيىندە بولادى»، - دەدى «قازاقپارات» تىلشىسىنە بەرگەن جاۋابىندا «گەنەرالدار كەڭەسى» رەسپۋبليكالىق قوعامدىق بىرلەستىگى ءتورالقاسىنىڭ ءتوراعاسى، ادىلەت گەنەرال- مايورى رۇستەم قايداروۆ.
ايتا كەتەلىك، قالماتايەۆ مۇرات دۇيسەنبى ۇلى 1936 -جىلى 8 -قىركۇيەكتە سەمەي وبلىسىنىڭ جارما اۋدانىندا تۋعان. اسكەري جانە قوعام قايراتكەرى، گەنەرال- مايور، جۋرناليست. 1983 -جىلى رەسپۋبليكا ءى ءى م- نىڭ جاڭادان ۇيىمداستىرىلعان ساياسي ءبولىمىنىڭ باستىعى بولىپ تاعايىندالىپ، 1986 -جىلى گەنەرال-مايور اتاعىن العان.
مۇرات قالماتايەۆ 1959 -جىلى قازىرگى قازاق ۇلتتىق ۋنيۆەرسيتەتىن، 1967 -جىلى الماتى جوعارى پارتيا مەكتەبىن بىتىرگەن. 1959-65 -جىلدارى سەمەي وبلىسى، كوكپەكتى اۋداندىق كومسومول كوميتەتىنىڭ ءبىرىنشى حاتشىسى، وسىنداعى اۋداندىق «جۇلدىز» گازەتىنىڭ رەداكتورى بولدى. 1967-1975 -جىلدارى ارالىعىندا سەمەي وبلىسى پارتيا كوميتەتىندە نۇسقاۋشى، پارتيالىق- ۇيىمداستىرۋ ءبولىمى مەڭگەرۋشىسىنىڭ ورىنباسارى، قازاقستان ك پ و ك- نىڭ ينسپەكتورى (1975-1980)، ورال وبلىسى پارتيا كوميتەتىنىڭ حاتشىسى (1980-1983) قىزمەتتەرىن اتقاردى. 1983 -جىلى رەسپۋبليكا ءى ءى م- نىڭ جاڭادان ۇيىمداستىرىلعان ساياسي ءبولىمىنىڭ باستىعى بولىپ تاعايىندالدى. 1986 -جىلعى قاراشادا مۇرات دۇيسەنبى ۇلىنا گەنەرال-مايور اتاعى بەرىلدى.
مۇرات قالماتايەۆ 1988-89 -جىلدارى اۋعانستان سوعىسىندا بىرنەشە جاۋاپتى وپەراتسيالارعا قاتىسىپ، باسشىلىق قىزمەتتەردە بولدى. مايداننان امان- ەسەن ەلگە ورالىپ، سەمەي وبلىسى ىشكى ىستەر باسقارماسىن باسقاردى (1989-1994). 1995 -جىلى ق ر ءى ءى م- نىڭ كەڭەسشىسى بولىپ تاعايىندالدى. م. قالماتايەۆ 12-13- سايلانعان قازاقستان جوعارعى كەڭەسىنىڭ دەپۋتاتى بولىپ سايلانىپ، قۇقىقتىق رەفورما جانە زاڭدىلىق جونىندەگى كوميتەتتىڭ ءتوراعاسى بولدى.
مۇرات قالماتايەۆ ءى ءى م- ءنىڭ ەڭبەك سىڭىرگەن قىزمەتكەرى، «قۇرمەت بەلگىسى»، «قىزىل جۇلدىز»، «حالىقتار دوستىعى»، «وتان كۇزەتىندە» وردەندەرىمەن، ك س ر و جانە شەتەل مەدالدارىمەن ماراپاتتالعان.
اۆتور: ايبوتا جاپپاربەرگەن
