جاز مەزگىلىندە كيىم تۇستەرىن ۇيلەستىرۋ - فوتو
سوندىقتان بۇگىنگى ماتەريالدا جاز مەزگىلىندە قانداي تۇستەردى ءبىر- بىرىمەن ۇيلەستىرۋگە بولاتىنىن قاراپايىم سوزبەن ۇسىنامىز. قازىر مىندەتتى تۇردە سومكە تۇسىمەن اياق كيىم ءتۇسى بىردەي بولۋ كەرەك دەگەن سياقتى پىكىرلەر ساننەن كەتكەنىن ۇمىتپاڭىزدار.
سارى جانە جاسىل
سارى جانە جاسىل - جاڭا شابىلعان ءشوپ ءيىسى مەن كۇننىڭ جىلى ساۋلەسىنىڭ ۇيلەسىمى سەكىلدى بالعىن ءارى اشىق تۇستەر. مۇنداي تۇستەر ۇيلەسىمى دەنە ءپىشىنىنىڭ بارلىق دەرلىك تيپىنە كەلە بەرەدى. ەگەر ءسىز اشىق ءوڭدى تيپكە جاتاتىن بولساڭىز جانە ۇستامدى رەڭكتى قالاساڭىز، قىشا، حاكي جانە قويۋ جاسىل ءتۇستى كيىمدەردى تاڭداڭىز. قاراتورى تيپىنە جاتاتىن بويجەتكەندەرگە اشىق سارى مەن قانىق جاسىل ءتۇستى كيىمدەر جاقسى ۇيلەسەدى.
اشىق كوك جانە القىزىل
وسى جىلدىڭ ەكى نەگىزگى ءتۇسى، نازىك ءارى جۇمساق القىزىل جانە اشىق كوك تۇستەر ءبىر- ءبىرىن جاقسى تولىقتىرادى. اشىق كوك ءتۇستى توپتى القىزىل جاكەتپەن كيىپ كورىڭىز. بۇل نازىك كيىم ۇلگىسى نازىك اقگۇلدى (جاسمين) ەسكە تۇسىرەدى.
قىزىل جانە كوك
قىزىل جانە كوك - تانىمالدىعىن جوعالتپايتىن بارلىق مەزگىلگە ارنالعان ۇيلەسىم. مىسالى، قاراپايىم كوك شالباردى اشىق قىزىل جاكەتپەن جانە جولاعى بار توپپەن تولىقتىرۋعا بولادى.
سارعىلت جانە اشىق كوك
سارعىلت جانە اشىق كوك - كلاسسيكالىق ۇيلەسىم. ول وتە ءتيىمدى كورىنەدى. بۇل تۇستەر كيىم ۇلگىڭىزدە انىق كورىنۋ ءۇشىن اياق كيىمنىڭ تەرى تۇستەس ءتۇرىن تاڭداعان ءجون.
ال قىزىل جانە سۇر
ال قىزىل جانە سۇر ءتۇستى كيىمدەردەن كەڭسەگە ارنالعان جاقسى كيىم ۇلگىلەرىن جاساۋعا بولادى. مىسالى، قويۋ سۇرى شالبار مەن القىزىل توپتى (نەمەسە جەيدە) ۇيلەستىرۋگە بولادى. نازىك القىزىل ءتۇستى سىرتقى جۇقا كيىمدەر كەشكىلىك سەرۋەنگە جاقسى تولىقتىرۋ بولىپ تابىلادى. اشكەكەيلەر تۋرالى ۇمىتپاڭىز.
سارعىلت جانە قارا
ەگەر قارا ءتۇستى كيىمدەرىڭىز كوپ بولسا، تۇتاس قارا بولىپ كيىنۋدى توقتاتىپ، ۇلگىڭىزگە سارعىلت كيىم قوسىڭىز. مىسالى، شاعىن قارا كويلەككە سارعىلت جاكەت ءىلىپ الىڭىز. قارا مەن سارعىلت ءتۇستى كيىمدەردى ۇيلەستىرۋ جەڭىلگە سوعادى جانە ەرەكشە كورىنەدى.
massaget.kz
