19:55, 16 - ماۋسىم 2016 | GMT +6
رامازاندا ۇيلەنۋگە بولا ما؟
استانا. قازاقپارات - جۇرت ورازا ايىندا ۇيلەنۋگە بولمايدى دەپ جاتادى. بۇل قانشالىقتى راس؟
«رامازاندا ۇيلەنۋگە بولمايدى» دەگەن ءسوز جاستاردىڭ وزدەرىن تىيا الماي، ورازاسىن بۇزۋى ىقتيمالدىعى بولعاندىقتان ايتىلعان.
ال، ورازاسىن سەبەپسىز ءبىر كۇن بۇزعان جان ونىڭ وتەمىن 60 كۇن ورازا تۇتۋمەن قايتارادى. مىنە، سوندىقتان ءوزىن تىيا المايتىن جاستارعا رامازان ايى اياقتالعان سوڭ ۇيلەنگەن ءجون.
رامازاندا ۇيلەنۋگە شاريعات تۇرعىسىنان ەشبىر كەدەرگى جوق. ەسكەرەتىن جايت، نەكە قيعان سوڭ كۇندىز داستارحان جايىپ، تويلاۋعا تىيىم سالىنادى. ويتكەنى، ورازانىڭ باستى ءۇش تالابى: تاڭ اتقاننان كۇن باتقانعا دەيىن تاماقتانۋدان، سۋسىن ىشۋدەن جانە جىنىستىق قاتىناستان تىيىلۋ. ال، ورازانى بۇزبايتىن ءىس- ارەكەتكە رۇقسات ەتىلەدى.
