الەمدە قازاقستان تيتانىنىڭ ۇلەسى ارتادى
بۇل تۋرالى بۇگىن ەلوردادا «Astana Mining & Metallurgy 2016» حالىقارالىق تاۋ- كەن جانە مەتاللۋرگيا كونگرەسسى بارىسىندا ق ر پرەمەر- ءمينيسترىنىڭ بىرىنشى ورىنباسارى باقىتجان ساعىنتايەۆ ءمالىم ەتتى.
«قازاقستان برەندتەرىن دامىتۋ اياسىندا الەمدىك سەگمەنتەگى تيتاننىڭ ۇلەسىن قازىرگى 11 پايىزدان 14 پايىزعا دەيىن ارتتىرۋدى كوزدەپ وتىرمىز»، - دەدى ب. ساعىنتايەۆ.
وسى رەتتە ول بۇنداي ماقسات الداعى ءۇش جارىم جىلعا يندۋستريالدى- يننوۆاتسياىق دامۋ مەملەكەتتىك باعدارلاماسى اياسىندا قويىلىپ وتىرعاندىعىن اتاپ ءوتتى. بۇل تۇرعىدا قارا جانە ءتۇستى مەتاللۋرگيا باسىمدىقتى ماڭىزعا يە بولۋدا.
باعدارلامانىڭ نەگىزگى باعىتتارىندا قولدانىستاعى كاسىپورىنداردىڭ قۋاتتىلىعىن ارتتىرۋ، جاڭا وندىرىستىك بازالىق مەتالداردى ءوندىرۋ، ەڭبەك ونىمدىلىگىن ارتتىرۋ قامتىلعانىنا توقتالعان ول: «وسى ورايدا ءبىز ۇنەمى ينۆەستيتسيالىق تارتىمدىلىقتى كوتەرۋ بويىنشا جۇمىستاردى جالعاستىرۋدامىز. زاڭنامالىق تۇردە ينۆەستورلار ءۇشىن جاڭا ىنتالاندىرۋشى تەتىكتەر بەكىتىلدى»، - دەدى.
سونىمەن قاتار ب. ساعىنتايەۆ مەملەكەتتىك باعدارلامانىڭ ءبىرىنشى بەسجىلدىعى اياسىندا قازاقستاننىڭ تاۋ- كەن مەتاللۋرگيالىق كەشەنىندە 2,5 ميلليارد دوللار سوماسىنداعى 60 جاڭا ءوندىرىس ىسكە قوسىلعانىن ەسكە سالىپ ءوتتى. بۇل باعىتتا 16 مىڭنان استام تۇراقتى جۇمىس ورىندارى قۇرىلدى. جالپى تاۋ- كەن مەتاللۋرگيالىق سالانىڭ كاسىپورىندارىندا 300 مىڭنان استام ادام جۇمىس ىستەۋدە.
