قازاقستان جۇك تاسيتىن ۇلكەن ۇشاقتار الادى

استانا. قازاقپارات - قازاقستان جۇك تاسيتىن ۇلكەن ۇشاقتاردى الۋدى جوسپارلاپ وتىر.

بۇل تۋرالى بۇگىن ۇكىمەت وتىرىسىندا ق ر پرەمەر- ءمينيسترى كارىم ءماسىموۆ ءمالىم ەتتى.

«ق ر قورعانىس مينيسترلىگىنە ۇلتتىق قاۋىپسىزدىك كوميتەتىمەن، ىشكى ىستەر مينيسترلىگىمەن جانە قارجى مينيسترلىگىمەن بىرلەسە ءبىر اپتالىق مەرزىمدە اۋىر سالماقتاعى جۇكتى كوتەرەتىن اسكەري- كولىكتىك ۇشاقتاردى الۋ ماسەلەلەرى بويىنشا ۇسىنىستار ەنگىزۋ قاجەت»، - دەدى ك. ءماسىموۆ.

ۇكىمەت باسشىسى بۇل جۇمىستى بيۋدجەتتى ناقتىلاۋ اياسىندا جۇرگىزگەن دۇرىس بولاتىنىن جەتكىزدى.

«قورعانىس مينيسترلىگىنە وسىنىڭ بارلىعىن ەسەپتەۋ كەرەك، ياعني ءبىز ناقتىلاۋمەن كىرەتىن كۇزگى بلوكتا بۇل ماسەلە ءبىرىنشى كەزەكتە ەنگىزىلۋ قاجەت»، - دەدى ك. ءماسىموۆ.

 

اۆتور: رۋسلان عابباسوۆ