جەر رەفورماسى بويىنشا كوميسسيانىڭ جۇمىسىن ا. مىرزاحمەتوۆكە تاپسىرۋ قاجەت - ك. ءماسىموۆ

استانا. قازاقپارات - ق ر اۋىل شارۋاشىلىعى ءمينيسترى اسقار مىرزاحمەتوۆ ق ر پرەمەر- ءمينيسترىنىڭ ورىنباسارى قىزمەتىنە تاعايىندالدى.

«ا. مىرزاحمەتوۆ پرەمەر- ءمينيستردىڭ ورىنباسارى بولىپ تاعايىندالدى. وسى تاعايىنداۋعا بايلانىستى ءسىزدى قۇتتىقتايمىز. قىزمەتىڭىزدە جەمىستى جۇمىس تىلەيمىن»، - دەدى ۇكىمەت وتىرىسىندا پرەمەر- مينيستر كارىم ءماسىموۆ.

ءوز كەزەگىندە ا. مىرزاحمەتوۆ كورسەتىلىپ وتىرعان سەنىمگە العىسىن ايتىپ، بارلىق جيناقتاعان تاجىريبەسى مەن ءبىلىمىن سالاداعى جۇمىسىنا باعىتتايتىندىعىن جەتكىزدى.

«ەندى بىزگە ىشكى مىندەتتەردى ءبولۋدى قاراستىرۋىمىز كەرەك. باقىتجان ءابدىر ۇلى، ءسىز اۋىل شارۋاشىعى سالاسىن قاداعالاۋمەن اينالىسقان جۇمىستاردى قايتا ءبولۋ كەرەك. مەنىڭ ويىمشا، مەملەكەت باسشىنىڭ تاپسىرماسىمەن جۇمىسىن باستاعان جەر رەفورماسى بويىنشا كوميسسيانى دا ا. مىرزاحمەتوۆكە تاپسىرۋ قاجەت»، - دەدى ك. ءماسىموۆ

اۆتور: رۋسلان عابباسوۆ