اقتوبە تەراكتىسىنە قاتىسقانداردىڭ بارلىعى ۇستالىپ، كوزدەرى جويىلدى - ق. قاسىموۆ

استانا. قازاقپارات - اقتوبەدەگى تەراكتىگە قاتىسقانداردىڭ بارلىعى ۇستالىپ، كوزدەرى جويىلدى.

 بۇل تۋرالى بۇگىن حالىق الدىندا ەسەپ بەرگەن ق ر ىشكى ىستەر ءمينيسترى قالمۇحانبەت قاسىموۆ ءمالىم ەتتى.

«5 - ماۋسىمدا اقتوبەدە ءبىز ءدىني ەكسترەميزم مەن لاڭكەستىككە تاعى دا تاپ بولدىق. وكىنىشكە وراي، ۇلتتىق ۇلاننىڭ 3 اسكەري قىزمەتشىسى مەن 5 بەيبىت تۇرعىن قازا تاپتى. 7 اسكەري قىزمەتشى مەن 12 پوليتسەي جاراقات الدى. قازىرگى ۋاقىتتا تەراكتىگە قاتىسقانداردىڭ بارلىعى ۇستالدى جانە كەيبىرىنىڭ كوزدەرى جويىلدى. تەرگەۋ جۇرگىزىلۋدە»، - دەپ اتاپ ءوتتى ول.

بۇنىڭ الدىندا مينيستر اتاپ وتكەنىندەي، اقتوبەدە جاعداي تۇراقتالعان. «لاڭكەستىكتىڭ «قىزىل» قاۋپى الىنىپ تاستالدى جانە ول «سارىعا» اۋىستى. بارلىق مەكەمەلەر قالىپتى جۇمىسىنا كىرىستى. كەشە قۇقىق قورعاۋ ورگاندارىنىڭ كۇشەيتىلگەن قىزمەت رەجيمىن الىپ تاستادى»، - دەيدى ق. قاسىموۆ.

 ونىڭ ءسوزى بويىنشا، باسقا وڭىرلەردەن جەتكىزىلگەن كۇشتىك قۇرىلىمدار ءوز ۇيلەرىنە قايتارىلعان.

اۆتور: جاسۇلان جولدىباي