ءزارىپباي ورازبايەۆ: بەس پارىزدى ورىنداۋعا مۇمكىندىك جاسالعان ەلدە بۇلىك جاساۋ ۇلكەن كۇنا

استانا. قازاقپارات - عۇلامالار كەڭەسىنىڭ مۇشەسى ءزارىپباي ورازبايەۆ يسلام دىنىنە كەڭىنەن رۇحسات بەرىلگەن، مۇسىلمانداردىڭ ەمىن- ەركىن قۇلشىلىق ەتىپ، مەشىت، مەدرەسەلەردە ءدىني ءبىلىم الۋعا مۇمكىندىك جاسالعان بەيبىت زاماندا بۇلىك جاساۋ ۇلكەن كۇنا ەكەنىن اتاپ ءوتتى.

«قازاق ەلىنىڭ تاريحىندا، ءتىپتى، رۋ ارالىق قارىم- قاتىناستا ءدىني الاۋىزدىق ەشقاشان بولماعان. اقتوبە قالاسىنداعى لاڭكەستىك - تەرىس اعىم جەتەگىندە جۇرگەندەردىڭ ارەكەتى. لاڭكەستىك توپتاردىڭ زۇلىمدىعى «مەملەكەتكە قارسى شىعۋ» دەپ اتالادى.

بۇل ۇلكەن قاتەلىك پەن ءدىني ساۋاتسىزدىق. مەملەكەتكە قارسى شىعۋدىڭ ءدىني تۇرعىدان وزىندىك شارتى بار. ەگەر مەملەكەتتە يسلام دىنىنە قاتاڭ تيىم سالىنسا، مۇسىلمانداردىڭ قۇلشىلىق ەتۋىنە مۇمكىندىك بەرىلمەي كۇش كورسەتىلىپ جاتسا قارسى شىعۋ ارەكەتى اقتالىنادى. ال، يسلام دىنىنە كەڭىنەن رۇقسات بەرىلگەن، مۇسىلمانداردىڭ ەمىن- ەركىن قۇلشىلىق ەتىپ، مىڭداعان مەشىتتەرمەن، ونداعان مەدرەسەلەردە ءدىني ءبىلىم الۋعا، مۇسىلماندىق بەس پارىزدى ورىنداۋعا بارىنشا جاعداي جاسالعان ەلدە بۇلىك جاساۋ ۇلكەن كۇنا. لاڭكەستەردىڭ بۇل ارەكەتى ءالي يبن ءابۋ تاليبتىڭ زامانىنداعى بۇلىكشىلەردىڭ ىسىمەن بىردەي»، - دەدى عۇلامالار كەڭەسىنىڭ مۇشەسى ءزارىپباي ورازبايەۆ.

سونىمەن قاتار، ءزارىپباي ورازبايەۆ جيىن بارىسىندا بەيبىت زاماندا جازىقسىز ازاماتتاردىڭ جانىن قيۋ يسلام قاعيداتتارى بويىنشا قاتاڭ قارالانىپ، ازعىندىق دەپ سانالاتىنان اتاپ ءوتتى.

Baq.kz