قىزمەتتىك بورىشىن اتقارۋ كەزىندە قازا تاپقانداردىڭ جانۇيالارى قىتايعا باردى - فوتو
بۇل ساپارعا قىزمەت بابىندا قازا بولعان ىشكى ىستەر ورگاندارى قىزمەتكەرلەرىنىڭ وتباسى مۇشەلەرى ارنايى تاڭدالىپ الىنعان. ەلشىلىكتىڭ پوليتسيامەن بايلانىس بويىنشا ءبولىمىنىڭ باستاماسىمەن ۇيىمداستىرىلعان ساپاردا قىتاي ەلىنىڭ بەيجىڭ، شاڭحاي جانە ءۇرىمجى قالالارىنا باردى، دەپ حابارلادى ق ر ءى ءى م باسپا ءسوز قىزمەتىنەن.
ايتا كەتەيىك، قىتاي ەلىنە قىزمەت بابىندا قازا بولعان ساقشىلاردىڭ جۇبايلارى مەن ۇل- قىزدارىن اپارىپ، تاريحى 2 مىڭ جىلدان اسىپ جىعىلاتىن ەلدىڭ مۇراعاتىمەن، سالت- داستۇرىمەن تانىستىرۋ، ۇلكەن قالالارىن ارالاتىپ، كورىكتى جەرلەرىن كورسەتۋ تۋرالى ۇسىنىس العاش رەت 2015 -جىلدىڭ اقپان ايىندا ىشكى ىستەر ءمينيسترى، پوليتسيا گەنەرال- پولكوۆنيگى قالمۇحانبەت قاسىموۆ پەن قىتاي حالىق رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى چجان حانحۋەيمەن كەزدەسۋ بارىسىندا ايتىلعان. ناتيجەسىندە ەكىجاقتى كەلىسىمگە قول قويىلدى.
قازاق ەلىنەن قىتايعا اتتانعان دەلەگاتسيانىڭ قۇرامىندا 20 دان استام ادام بولدى. ونىڭ ىشىندە، حالىق قاھارمانى، پوليتسيا كاپيتانى عازيز بايتاسوۆتىڭ جۇبايى گۇلجامال تاجيەۆا مەن ۇلى ارمانجان؛ قاراعاندىلىق جول ساقشىسى، 2008 -جىلى ەلورداعا جولعا شىققان اۆتوبۋس تولى بالالاردىڭ ءومىرىن امان الىپ قالام دەپ، وپات بولعان قايرات جۇمابەكوۆتىڭ جارى نازگۇل جەكسەنبينا مەن ۇلى عالىم؛ وسىدان بەس جىل بۇرىن اقتوبەنىڭ شۇبارشي ەلدى مەكەنىن عانا ەمەس، ءدۇيىم جۇرتتى شۋلاتقان قىلمىستىق توپتى قولعا ءتۇسىرۋ كەزىندە جالعىز وق عۇمىرىن قيىپ كەتكەن «ارلان» ارنايى جاساعىنىڭ اعا ينسپەكتورى، پوليتسيا اعا لەيتەنانتى رۋسلان جولدىبايەۆتىڭ جۇبايى ايگۇل جولدىبايەۆا مەن قىزى ايدا؛ اسا قاۋىپتى قىلمىسكەردى قۇرىقتاۋ كەزىندە مەرت بولعان الماتى قالالىق ءى ءى د پاترۋلدىك پولك پوليتسياسىنىڭ اعا سەرجانتى عالىمجان ءابدىروۆتىڭ جۇبايى گۇلناز مەرەيەۆا مەن قىزى اياجان؛ قاندى قاراشادا قاندىقول قاراقشىنىڭ قولىنان كوز جۇمعان جامبىلدىق جامپوز، م ك ق ب- نىڭ پوليتسيا اعا سەرجانتى پولات ايانقۇلوۆتىڭ وتىن وشىرمەي وتىرعان مياسار يۋسۋپوۆا مەن قىزى جانسايا؛ 2008 -جىلى قىزمەتتىك مىندەتىن اتقارۋ كەزىندە قايتىس بولعان كەرەكۋلىك ءتارتىپ ساقشىسى، قاشىر اۋداندىق ءى ءى ب- نىڭ پوليتسيا كاپيتانى فاريد كاكابايەۆتىڭ جارى ءلاززات كاكابايەۆا مەن قىزى امينا؛ ەلدىڭ ەسىندە «كەڭقياقتاعى قىرعىن» دەگەن اتاۋمەن قالعان قاندى وقيعا كەزىندە اقتوبە جەرىندە جەر جاستانعان «سۇڭقار» ارنايى ماقساتتاعى جاساقتىڭ ءبولىم باستىعى بولعان پوليتسيا مايورى ايبولات يمانبايەۆتىڭ ارتىندا قالعان اتۇستارى ايبار مەن جارى فەرۋزا مالىكوۆا؛ قىزمەتتەن تىس ۋاقىتتا جۇرسە دە، كورشىسىنە كومەككە كەلەم دەپ، اجال قۇشقان شۋ ستانساسىنداعى ءىىجب- ءنىڭ پوليتسيا اعا سەرجانتى راحات امانتايەۆتىڭ جارى ايمان ايتقۇلوۆا مەن ۇلى نۇربولات؛ 2012 -جىلى 18 -قاڭتاردا قاڭىراپ بوس قالعان عيمارات ءىشىن تەكسەرىپ ءجۇرىپ، ءبىر ەسسىزدىڭ مىلتىعىنان اتىلعان وقتان جەدەل جاردەم كولىگىندە كوز جۇمعان كوكشەتاۋ قالالىق ءى ءى ب- نىڭ جەدەل ۋاكىلى، پوليتسيا لەيتەنانتى قايرات جۇسىپبايەۆتىڭ ءىزىن جالعاپ قالعان ۇلى ءالتاير مەن ومىرلىك سەرىگى مارجان جۇسىپبايەۆا؛ تۋرا 40 جاسىندا قانىپەزەردىڭ اتقان وعىنان قازا بولعان الماتى وبلىستىق ءى ءى د «ارلان» ارنايى جاساعىنىڭ اعا ينسپەكتورى ەرجان احمەتوۆتىڭ قىزمەتتىك جولىن جالعاپ قالعان جۇبايى بايان احمەتوۆا مەن اكە ارمانىن ۇكىلەپ ءوسىپ كەلە جاتقان ۇلى ازامات بار.
ق ر- داعى ق ح ر ەلشىلىگىنىڭ كەڭەسشىسى داي سيۋيكۋي مۇنداي شارالار قىتاي مەن قازاقستان اراسىنداعى ىنتىماقتاستىقتى ودان ءارى تەرەڭدەتە تۇسەتىنىن اتاپ ءوتتى.
- بۇعان دەيىن وسىنداي ساپارلار تەك قىتاي مەن رەسەي اراسىندا عانا ۇيىمداستىرىلىپ كەلدى. ودان باسقا بىردە- ءبىر ەلمەن مۇنداي كەلىسىم جاسالماعان بولاتىن. ءبىر جارىم جىل بۇرىن مەنى ق ح ر- دىڭ قازاقستانداعى ەلشىسىنىڭ پوليتسيا ىستەرى بويىنشا كەڭەسشىسى رەتىندە تاعايىندادى. سول كەزدەن باستاپ وسى يگىلىكتى ءىستى قازاقستان رەسپۋبليكاسى ءى ءى م- مەن جاڭعىرتۋ تۋرالى يدەيانى العا تارتىپ كەلدىك.
ىشكى ىستەر ءمينيسترى، پوليتسيا گەنەرال- پولكوۆنيگى قالمۇحانبەت قاسىموۆ بۇل ۇسىنىسىمىزدى قابىل الىپ، بيىل مىنە، ويىمىز جۇزەگە اسىپ وتىر. بۇل ساپاردان قازاقستاندىق دەلەگاتسيانىڭ ءار مۇشەسى، انالار دا، بالالار دا ۇلكەن اسەر الدى دەگەن ويدامىن. ۇرپاعىمىز وسى شارانى ودان ءارى جالعاستىرىپ، سالتقا اينالدىرادى دەپ ۇمىتتەنەمىن، - دەدى ول.
