قازاقستان فۋتبولىندا ەڭ قىمبات ويىنشى پايدا بولدى
ول ەندى قازاقستاندا 2 جىل ويناۋى ءتيىس. بۇل تۋرالى vesti.kz حابارلايدى.
Transfermarkt.de سايتىنىڭ باعالاۋىنشا اسيەۆەدونىڭ قۇنى - 3 ميلليون ەۆرو. بۇل باعاسىمەن «قايراتتىڭ» جاڭا ويىنشىسى «استانا» كلۋبىنىڭ سەربيالىق جارتىلاي قورعاۋشىسى نەمانيا ماكسيموۆيچتەن دە وزىپ كەتتى. سەرب 2 ميلليون ەۆروعا باعالانعان ەدى. ءۇشىنشى ورىندا دا «قايرات» ويىنشىسى، شابۋىلشى جەرار گوۋ، ونىڭ قۇنى - 1,8 ميلليون ەۆرو.
گەرسون اسيەۆەدو جاڭا كلۋبىندا 30- نومىرمەن وينايتىن بولادى.
قازاقستان پرەمەر- ليگاسىنداعى قىمبات ويىنشىلاردىڭ وندىعى بىلاي تۇزىلگەن: «استانا» جارتىلاي قورعاۋشىلارى روحەر كانياس پەن ارۋنا لۋكمان - 1,5 ميلليونا ەۆرو. التىنشى ورىندا «قايراتتىق» يساەل - 1,2 ميلليون ەۆرو. ودان كەيىن باۋىرجان يسلامحان («قايرات») ، دميتري شومكو («استانا»)، فيليپ كاساليتسا («ورداباسى») جانە دجۋنيور كابانانگا («استانا»)، بۇل ويىنشىلاردىڭ بارلىعىنىڭ ترانسفەرلىك باعالارى - 1 ميلليون ەۆرو.
اسيەۆەدو ءوز مانسابىن چيليلىك «كولو-كولو» كلۋبىنان باستاعان. 2010-جىلدان باستاپ رەسەي پرەمەر-ليگاسىنداعى «ۋرال» كلۋبىندا ويناعان. چيلي ۇلتتىق قۇراماسىندا دا ونەر كورسەتەدى.
وسىعان دەيىن «قايرات» كلۋبى ماۋسىم ارالىق ءۇزىلىس كەزىندە قاتارلارىنا رەسەيلىك تانىمال فۋتبول جۇلدىزى اندرەي ءارشاۆيندى قوسقان بولاتىن.
