ايگىلى «التىن ادامدى» تاپقان ارحەولوگ بەكەن نۇرمۇحانبەت ۇلى ومىردەن وزدى
بۇل تۋرالى قازاقستان مۋزەيلەرىنىڭ Kazmuseum.kz رەسمي سايتى حابارلاۋدا.
«الماتى وبلىسىنىڭ «ەسىك» قورىق-مۋزەيىنىڭ قىزمەتكەرى، ارحەولوگ، ەل اراسىندا «التىن ادام» اتانىپ كەتكەن بەكمۇحانبەت نۇرمۇحانبەت ۇلى اقساقال 81 جاسىندا دۇنيەدەن ءوتتى. مارقۇمنىڭ وتباسى مەن تۋعان-تۋىستارىنا قايعىسىنا ورتاقتاسىپ كوڭىل ايتامىز. بەكەن اتامىزدىڭ جارقىن بەينەسى ماڭگى ەسىمىزدە قالادى!» - دەلىنگەن حابارلامادا.
اۋىر قازاعا بايلانىستى قازاقپارات حالىقارالىق اقپارات اگەنتتىگى كورنەكى عالىمنىڭ تۋعان- تۋىستارىنا كوڭىل ايتىپ، قايعىلارىنا ورتاقتاستىق تانىتادى.
بەكمۇحانبەت نۇرمۇحانبەتوۆ 1935-جىلى الماتى وبلىسى اقسۋ اۋدانى ەڭبەك اۋىلىندا تۋعان. جەتىسۋ جەرىنەن تابىلىپ، بۇكىل الەمگە قازاق ەلىنىڭ تاريحي ءتولقۇجاتى بولىپ تانىلعان، كونە ساق مادەنيەتىنىڭ باعا جەتپەس اسىل قازىناسى - «التىن ادام» جادىگەرى ادامزات تاريحىن التىن زەرمەن بەدەرلەگەنى اقيقات. 1969-جىلى ارحەولوگيا عىلىمىنا وزىندىك ءىز قالدىرعان كورنەكتى عالىم ك. اقىشيەۆ باستاعان زەرتتەۋ توبى الەمگە «التىن ادام» اتاۋىمەن ماعلۇم بولعان ساق جاۋىنگەرىنىڭ وباسىن تاپتى. وزگە مادەنيەت وكىلدەرى تاس قاشاپ، تەرى جامىلىپ جۇرگەندە ساقتاردىڭ وزىق تەحنولوگيانى مەڭگەرىپ، كۇنى بۇگىنگە دەيىن قورىتۋ ءتاسىلى بەيمالىم بوپ وتىرعان التىن بۇيىمدارعا يە بولعانى انىقتالعان بولاتىن.
اۆتور: جاسۇلان جولدىبايەۆ
