ايگىلى عالىم قانىش ساتبايەۆتىڭ ۇلكەن قىزى قايتىس بولدى

استانا. قازاقپارات - بەلگىلى عالىم، اكادەميك قانىش ساتبايەۆتىڭ ۇلكەن قىزى، مەديتسينا عىلىمدارىنىڭ دوكتورى، پروفەسسور حانيسا ساتبايەۆا قايتىس بولدى.

بۇل تۋرالى Tengrinews.kz تىلشىسىنە اسفەندياروۆ اتىنداعى قاز ۇ م ۋ- دىڭ عىلىمي جۇمىس جانە يننوۆاتسيالار جونىندەگى پرورەكتورى باقىت رامازانوۆا حابارلادى.

رامازانوۆانىڭ ايتۋىنشا، حانيسا ساتبايەۆا 11 -ماۋسىمدا 94 جاسىندا ومىردەن ءوتتى.

حانيسا قانىش قىزى ساتبايەۆا 1921 -جىلى پاۆلودار وبلىسى باياناۋىل اۋدانىنىڭ 4-اۋىلىندا (كەيىننەن ساتبايەۆ اتىنداعى سوۆحوز بولعان «تەڭدىك» اتتى اۋىلدا) تۋعان.1939 -جىلى حانيسا قانىش قىزى الماتىداعى مەديتسينا ينستيتۋتىنا وقۋعا تۇسكەن.

حانيسا ساتبايەۆا حالىق دەنساۋلىعىن ساقتاۋعا باعا جەتپەس ۇلەس قوسقان اتاقتى مەديتسينا سالاسى عالىمدارىنىڭ ەسىمدەرى ەنگىزىلگەن ۋنيۆەرسيتەتتىڭ التىن قورىنىڭ وكىلى بولىپ تابىلادى. حانيسا ساتبايەۆانىڭ باسشىلىعىمەن قازاقستان رەسپۋبليكاسىنىڭ بارلىق جوو- دا ۆالەولوگيا كۋرستارىن ەنگىزۋ جانە ۇيىمداستىرۋ جۇمىستارى بويىنشا اۋقىمدى ەڭبەك اتقارىلعان، ول 1999, 2007, 2009 -جىلدارى مەملەكەتتىك جانە ورىس تىلدەرىندە شىعارىلعان ۆالەولوگيا بويىنشا العاشقى تيپتىك باعدارلامانىڭ جانە وقۋ- ادىستەمەلىك قۇرالدىڭ اۆتورى بولىپ تابىلادى.

1995 -جىلى قازاقستاندا العاش رەت حانيسا قانىش قىزى مەديتسينالىق جانە پەاگوگيكالىق جوو ءۇشىن «ادام فيزيولوگياسى» وقۋلىعىن شىعاردى. قازىرگى كۇنگە دەيىن وقۋلىق قازاقستان رەسپۋبليكاسىنىڭ مەديتسينالىق جوو ستۋدەنتتەرىن وقىتۋداعى بىرەگەي جانە كەڭىنەن قولدانىلاتىن قۇرال.

«ادام فيزيولوگياسى» وقۋلىعى ءۇشىن پروف. حانيسا ساتبايەۆا احمەت بايتۇرسىنوۆ اتىنداعى مەدالمەن ماراپاتتالعان. كوپ جىلدىق عىلىمي- پەداگوگيكالىق جانە قوعامدىق قىزمەتى ءۇشىن ساتبايەۆا «ەڭبەك قىزىل تۋ» وردەنىمەن، «1941-1945 -جىلدارى ۇلى وتان سوعىسىندا كورسەتكەن قاجىرلى ەڭبەگى ءۇشىن»، ي. پ. پاۆلوۆ اتىنداعى جانە «ق ر تاۋەلسىزدىگىنە 10 -جىل» (2001)، «قۇرمەت بەلگىسى»، «قازاقستاننىڭ عىلىمىنا ەڭبەك سىڭىرگەن قايراتكەر» (1981) مەدالدارىمەن، «كسرو جوعارى مەكتەبىنىڭ ۇزدىگى»، «ك س ر و دەنساۋلىق ساقتاۋ ۇزدىگى» بەلگىلەرىمەن ماراپاتتالعان، قازسسر جوعارعى كەڭەس پرەزيديۋمىنىڭ، قازسسر جانە قر دەنساۋلىق ساقتاۋ مينيسترلىگىنىڭ، بۇكىلوداقتىق فيزيولوگيا قوعامىنىڭ قۇرمەت گراموتالارىمەن بىرنەشە رەت ماراپاتتالعان. 2008 -جىلى س. ج. اسفەندياروۆ اتىنداعى قازۇمۋ وعان «قازۇمۋ- دىڭ قۇرمەتتى پروفەسورى» اتاعىن بەردى.