12:32, 12 - ماۋسىم 2016 | GMT +5
گولوۆكين قايرات نۇرتاستىڭ دەنساۋلىعىنا الاڭداۋشىلىق ءبىلدىردى
استانا. قازاقپارات - قايرات نۇرتاس پەن تورەعالي تورەالى توقتاۋسىز كونسەرتتەردەن كەيدە اۋىرىپ قالاتىندارىن جاسىرمايدى.
وسى ورايدا گەننادي گولوۆكين وتاندىق انشىگە دەنساۋلىعىن كۇتۋگە كەڭەس بەردى دەپ حابارلايدى NUR. KZ پورتالى.
ءبىر كۇندە بىرنەشە كونسەرت بەرەتىن كۇندەرى دەنساۋلىعى سىر بەرەتىن ءانشى اراسىندا ەم قابىلداپ تۇرادى ەكەن. ونداي كەزدەرى قايرات وزىنە ون كۇندىك دەمالىس جاريالاعاندى ءجون سانايدى.
جاقىندا ءانشى ەلىمىزدىڭ تانىمال بوكسشىسى گەننادي گولوۆكينمەن مەرەكەلى داستارحان باسىندا جولىققان بولاتىن. كەش بارىسىندا گولوۆكين انشىمەن اڭگىمە قۇرىپ، دەنساۋلىعىن كۇتۋگە كەڭەس بەرگەن.
«دوسىما سالەم! گەنا دەنساۋلىعىڭا قاراپ ءجۇر دەيدى ماعان»، - دەپ ءانشى بوكسشىنىڭ دەنساۋلىعىنا الاڭداۋشىلىق بىلدىرگەنىن جەلى پاراقشاسىندا جاريا ەتتى.
ال ءانشىنىڭ تابىنۋشىلارى بولسا، قايراتقا زور دەنساۋلىق تىلەپ، ماقتاۋلارىن جاۋدىرعان.
