ماسكەۋدە «مۇراگەر» قازاق اقپاراتتىق- مادەني ورتالىعى قىزمەتىنىڭ تۇساۋكەسەرى ءوتتى
وندا ۇلتتىق ساياسات دەپارتامەنتىنىڭ، ماسكەۋ قالاسىنىڭ ايماقارالىق بايلانىس جانە تۋريزم، ماسكەۋ ۇلتتار ءۇيى، قازاقستاننىڭ ر ف- داعى ەلشىلىگى، ەۋرازيالىق ەكونوميكالىق كوميسسيا وكىلدەرى مەن ماسكەۋ ۋنيۆەرسيتەتتەرىندە وقىپ جۇرگەن قازاقستاندىق ستۋدەنتتەر، ب ا ق وكىلدەرى قاتىستى.
«ورتالىقتىڭ باستى ماقساتى قازاق مادەنيەتى مەن ادەبيەتىن ناسيحاتتاۋ، قازاق ءتىلىن ۇيرەنەم دەۋشىلەرگە قول ۇشىن سوزۋ جانە ولاردى قازاق ونەرىنە باۋلۋ بولىپ تابىلادى. ورتالىقتا قازاق ءتىلى مەن ادەبيەتى كلۋبى، دومبىراشىلار ءانسامبلى، ايەلدەر حورى، بي جانە تەاتر ستۋدەياسى جۇمىس جاسايدى ، - دەدى «مۇراگەر» قازاق اقپاراتتىق- مادەني ورتالىعىنىڭ جەتەكشىسى ەرنازار نۇريەۆ.
ءوز كەزەگىندە «قازاق دياسپوراسى» ماسكەۋ قورىنىڭ جەتەكشىسى پولات جامالوۆ ورتالىقتىڭ مەملەكەتتىك ورگاندارمەن تىعىز قارىم- قاتىناستا جۇمىس جاسايتىنىن اتاپ ءوتتى.
قازاق اقپاراتتىق- مادەني ورتالىعىنىڭ قۇرامىنا ماسكەۋلىك قازاق دياسپوراسىنىڭ ۇيىمدارى ونىڭ ىشىندە «مۇراگەر» قازاق مادەنيەتىنىڭ ماسكەۋلىك ۇيىمى» ، «ماسكەۋ قالاسىنداعى قازاق ۇلتتىق مادەني اۆتونومياسى»، «قازاق دياسپوراسى» ماسكەۋلىك قورى»، ماسكەۋدەگى «حالىقتار دوستىعى مەن ۇلتتىق مادەنيەتتەردىڭ دامۋىن قولداۋ «استانا» قورى بار.
تۇساۋكەسەر بارىسىندا قازاق ءتىلى مەن ادەبيەتى كلۋبىنىڭ قاتىسۋشىلارى وزدەرىنىڭ شىعارماشىلىقتارىمەن تانىستىردى. ۇلتتىق ويىندار مەن قولونەر سايىسى ءوتتى. بەلسەندىلىك تانىتقان قاتىسۋشىلارعا رەسەيدەگى قازاقستان ەلشىلىگىنىڭ اتىنان العىس گراموتالارى تابىستالدى.
